Mumbai Local Murder : आलोकच्या मृत्यूला जबाबदार कोण? 45 मिनिटं रेल्वे स्टेशनवरच पडून होता आलोक! प्रकरणात नवा ट्विस्ट

Mumbai Malad Railway Station Murder : मुंबईच्या मालाड रेल्वे स्थानकात शनिवारी संध्याकाळी धक्का लागल्याच्या क्षुल्लक कारणावरुन एका व्यक्तीची हत्या करण्यात आली होती. या घटनेमुळे मुंबईत एकच खळबळ उडाली असताना आता धक्कादायक माहिती समोर आली आहे. पेशाने प्राध्यापक असलेल्या आलोकवर ओंकारने हल्ला केला अन् त्यानंतर आरोपी पळून गेला. मात्र, त्यानंतर आलोक रेल्वे स्टेशनवर उतरला अन् लोकांनी त्याला मदत केली. पण रेल्वे पोलिसांचा निष्काळजीपणा समोर आला आहे. आलोक रेल्वे स्टेशनवर तब्बल 45 मिनिटं होता तसेच त्याला 4.5 किलोमीटर प्रवास करून भरती करण्यात आलं होतं, अशी माहिती समोर आली आहे.