Mahesh Landge On Ajit Pawar : सुन्न करणारी सकाळ...! अजित पवारांच्या निधनानंतर महेश लांगडे भावूक, पोस्ट चर्चेत!

आजची ही सकाळ सुन्न करणारी आहे. राजकारणातल्या मोकळ्या ढाकळ्या नेत्याचं असं जाणं धक्कादायक आहे. प्रशासनावर असलेली पकड आणि मिश्किल, स्पष्ट स्वभाव यामुळे अजित दादा लोकप्रिय होते. घडलेली घटना अत्यंत दुर्दैवी आहे, असं म्हणत महेश लांडगे यांनी श्रंद्धाजली अर्पण केली आहे. त्यावेळी भावूक झाल्याचं दिसले.

अजितदादा पवार यांचे आज सकाळी झालेल्या विमान अपघातात दुःखद निधन झाले. त्यांच्या अकाली निधनाची बातमी अत्यंत दुःखदायक आणि अतिशय धक्कादायक आहे. मी त्यांना भावपूर्ण श्रद्धांजली अर्पण करतो. अजितदादांसारखा असा धडाडीचा आणि कामाचा आवाका असणारा नेता पुन्हा होणे नाही. त्यांच्या जाण्यानं एक लोकाभिमुख व करारी नेतृत्व हरपलं आहे. जनतेच्या प्रश्नांसाठी पहाटे सहा वाजेपासून तळमळीनं काम करणारे ते खरे लोकसेवक होते, असंही महेश लांडगे म्हणाले.

दरम्यान, राज्याच्या जडणघडणीत त्यांनी दिलेलं योगदान हा महाराष्ट्र कायम स्मरणात ठेवील. दादांचं अकाली जाणं हे त्यांच्या कुटुंबासह सर्व कार्यकर्त्यांसाठी मोठा धक्का आहे. त्यांच्या कुटुंबियांच्या दुःखात आम्ही सहभागी आहोत. या दुःखद प्रसंगी पवार कुटुंबियांना हे दु:ख सहन करण्याची शक्ती मिळो, ही परमेश्वरचरणी प्रार्थना करतो, असंही महेश लांडगे यांनी पोस्ट करत म्हटलं आहे.