मेट्रो 3 मार्गिकेवर मोठा बदल! सुरु झाली 'ही नवी सुविधा'; प्रवाशांचा तासभराचा प्रवास आता होणार मिनिटांत

नव्या योजनेनुसार प्रवाशांना दरमहा 60 ट्रिप पासवर 15 टक्के सवलत मिळणार आहे तर तर 45 ट्रिप पासवर 10 टक्के सवलत देण्यात येणार आहे. या सुविधेमुळे रोज ऑफिसला जाणाऱ्या आणि परत येणाऱ्या प्रवाशांना मोठा दिलासा मिळणार आहे. आतापर्यंत दिव्यांग प्रवाशांसाठीच सवलतीची योजना सुरू करण्यात आली होती. पण आता सर्वसामान्य प्रवाशांसाठी देखील नियमित प्रवास अधिक स्वस्त आणि सोयीस्कर करण्याची पावले उचलण्यात आली आहेत.

विशेष म्हणजे पास खरेदी प्रक्रिया अतिशय सोपी आणि पूर्णपणे डिजिटल आहे. मेट्रो-3 ही देशातील पहिली अशी मेट्रो व्यवस्था आहे जिथे मोबाइल अॅपद्वारे मासिक पासची सुविधा देण्यात आली आहे. 28 नोव्हेंबरपासून हे पास सर्व प्रवाशांना उपलब्ध झाले आहेत.