Samruddhi Mahamarg: वाहतूक कोंडीला करा बाय-बाय! मुंबई-ठाण्यातून थेट ‘समृद्धी’ गाठता येणार, 6000 कोटींचा प्लॅन तयार

मुंबई: हिंदुहृदयसम्राट बाळासाहेब ठाकरे महाराष्ट्र समृद्धी महामार्ग हा राज्याच्या विकासात महत्त्वाची भूमिका बजावणार ठरत आहे. समृद्धी महामार्ग 701 किमीचा असून तो विदर्भ, मराठवाडा आणि उत्तर महाराष्ट्राला राजधानी मुंबईशी जोडतो. सध्या हा महामार्ग सुरू झाला असला तरी मुंबई आणि ठाण्यातून या महामार्गापर्यंत पोहोचण्यासाठी मोठ्या वाहतूक कोंडीचा सामना करावा लागतो. मुंबई-नाशिक महामार्गावर तासनतास अडकून पडावे लागते. आता मात्र वाहनधारकांसाठी दिलासादायक बातमी आहे. वाहनधारकांना आता ठाण्यातून थेट समृद्धी महामार्ग गाठता येणार आहे.