बंगळुरू- दिल्लीनंतर नवी मुंबई विमानतळावरुन ‘या’ मुख्य शहरात प्रवास करता येणार, इंडिगोची मोठी घोषणा...

इंडिगोने शनिवारी नवी मुंबई आंतरराष्ट्रीय विमानतळावरून (एनएमआयए) नवीन विमान उड्डाणे सुरू करण्याची घोषणा केली. एनएमआयएवरून लवकरच नवीन अतिरिक्त उड्डाणे सुरू होणार आहेत. यामध्ये नवी मुंबई ते कोइम्बतूर, चेन्नई, वडोदरा आणि उत्तर गोवा यासारख्या प्रमुख देशांतर्गत ठिकाणांशी कनेक्टिव्हिटी सुरू होणार आहे. आयएएनएस वृत्तसंस्थेने दिलेल्या माहितीनुसार, इंडिगो कंपनी 29 डिसेंबर 2025 पासून नवी मुंबई विमानतळावरून कोइम्बतूर आणि चेन्नई दरम्यान दररोज उड्डाणे चालवणार आहेत.

नवी मुंबईहून सकाळी 9 वाजता निघणारे विमाने कोइम्बतूरला सकाळी 10:45 वाजता पोहोचेल, परतीसाठी तर कोइम्बतूरहून सकाळी 11:15 वाजता निघणारे विमान दुपारी 01:05 वाजता नवी मुंबईला उतरेल. विमान कंपनीने पुढे सांगितले की, चेन्नईहून सकाळी 06:10 वाजता उड्डाण करेल आणि नवी मुंबईला सकाळी 08:15 वाजता पोहोचेल. नवी मुंबईहून परतीचे विमान संध्याकाळी 07:40 वाजता सुटेल. ते विमान चेन्नईला रात्री 09:35 वाजता पोहोचेल, अशी आयएएनएस वृत्तसंस्थेने माहिती दिली आहे.

शिवाय, नवी मुंबई- वडोदरा ही विमान सेवा आठवड्यातून पाच वेळा असणार आहे. जी 30 डिसेंबर 2025 रोजी सुरू होईल. तर, नवी मुंबई- उत्तर गोवा ही विमान सेवा सुद्धा आठवड्यातून पाच वेळा असणार आहे. ज्याची सुरूवात 26 डिसेंबर 2025 पासून होणार आहे. ज्यामुळे मुंबईच्या विमानतळापासून इतर भागांपर्यंत चांगली कनेक्टिव्हिटी निर्माण होईल. विमान कंपनीने जारी केलेल्या प्रसिद्धीपत्रकात म्हटले आहे की, "या फ्लाइट्ससाठीची बुकिंग इंडिगो वेबसाइट किंवा मोबाईल अॅप्लिकेशनवर उपलब्ध आहे," असे आयएएनएसने वृत्त दिले आहे.

निवेदनात पुढे म्हटले आहे की, "उत्तर गोवा आणि वडोदरा सेवा मंगळवार, बुधवार, शुक्रवार, शनिवार आणि रविवार चालेल." नवी मुंबई आंतरराष्ट्रीय विमानतळावरून २५ डिसेंबर रोजी उड्डाणे सुरू केले जाणार आहेत. त्यानुसार याच दिवशी नवी मुंबई आंतरराष्ट्रीय विमानतळावरुन पहिली व्यावसायिक उड्डाणे सुरू होतील अशी चिन्हे आहेत. सुरुवातीच्या लाँच कालावधीत, प्रवाशांना इंडिगो , एअर इंडिया एक्सप्रेस आणि अकासा एअर द्वारे चालवल्या जाणाऱ्या सेवांचा फायदा होईल, ज्या मुंबईला प्रमुख देशांतर्गत ठिकाणांशी जोडतील.

नवी मुंबई आंतरराष्ट्रीय विमानतळ प्रायव्हेट लिमिटेड (NMIAL) ही ग्रीनफिल्ड आंतरराष्ट्रीय विमानतळ प्रकल्पाच्या विकास, बांधकाम, संचालन आणि देखभालीसाठी स्थापन केलेली एक विशेष उद्देश वाहन आहे. प्रवाशांची सुरक्षा सुलभ करण्यासाठी विमानतळावर प्रगत तंत्रज्ञानाचा वापर केला जाईल. Biometric screening आणि AI-driven surveillance systems ठेवणारी प्रणाली सुरक्षा प्रक्रियेच्या केंद्रस्थानी असतील, ज्यामुळे जलद आणि अधिक अचूक तपासणी करता येईल. "आमची टीम या तंत्रज्ञानात पारंगत आहे, त्यांनी इतर प्रमुख विमानतळांवरही अशाच प्रणाली लागू केल्या आहेत," असे सीआयएसएफ अधिकाऱ्यांनी सांगितले.