एसटी कर्मचारी कृती समिती आणि सरकारमधील बैठक निष्फळ, ST कर्मचारी आज रात्रीपासून संपावर जाण्याच्या तयारीत

मुंबई : एसटी कर्मचारी कृती समिती आणि उद्योगमंत्री उदय सामंत यांच्यातील बैठक निष्फळ ठरल्याने गणेशोत्सवाच्या तोंडावर एसटी कर्मचारी आपल्या विविध मागण्यांसाठी संपावर जाण्याच्या तयारीत आहेत. आंदोलनकर्ते एसटी कर्मचाऱ्यांची समिती आणि सरकारचे प्रतिनिधी उदय सामंत यांच्यातील बैठकीत कोणताही तोडगा निघाला नसल्याची माहिती मिळत आहे. बुधवारी संध्याकाळी सह्याद्री अतिथिगृहात मुख्यमंत्री एकनाथ शिंदे यांच्यासोबत कृती समितीची बैठक होणार असून त्या बैठकीत कर्मचारी मागण्यांविषयी चर्चा करतील. विशेष म्हणजे सत्ताधारी पक्ष भाजपचे आमदार गोपीचंद पडळकर आणि सदाभाऊ खोत यांची एसटी कर्मचारी संघटना देखील संपात सहभागी होणार आहे.