Thane Crime : लिंबू सरबत देऊ का, विचारताच दारुड्यांनी फोडला बार! ठाण्यातील उच्चभ्रू परिसरातील घटना

Drunkards break into bar : रुसलेल्या बायकोच्या आणि दारुड्यांच्या नादी कधी लागू नये, अशी गावाकडं म्हण वापरली जाते. अशातच सध्या ठाण्यातून धक्कादायक घटना समोर आली आहे. फुल्ल तर्राट होऊन पुन्हा दारू पिण्यासाठी बारमध्ये गेलेल्या दोघांना लिंबू सरबत देऊ का, असे वेटरने विचारताच दारुड्यांनी चक्क बार फोडला असल्याची घटना ठाण्यात घडली आहे. घोडबंदर येथील उच्चभ्रू वस्तीत ही घटना घडली. दारुडे एवढ्यावरच थांबले नाही तर त्यांनी वेटरला देखील जबर मारहाण केली. याप्रकरणी दोन दारुड्यांविरोधात चितळसर पोलीस ठाण्यात गुन्हा दाखल झाला आहे.