वाढदिवसाच्या पार्टीत कॉलेज तरुणीवर अत्याचार, मैत्रिणीच्या बर्थडेला आली अन् दगा झाला

एका १९ वर्षीय कॉलेज तरुणीवर लैंगिक अत्याचार झाल्याची धक्कादायक घटना समोर आली आहे. पीडित तरुणी मैत्रिणीच्या वाढदिवसाच्या पार्टीसाठी गेली होती. एका फ्लॅटमध्ये हाऊस पार्टी सुरू होती. दरम्यान, एका ओळखीच्या तरुणाने तिच्यावर लैंगिक अत्याचार केला आहे. ज्यावेळी अत्याचार झाला, तेव्हा पीडित तरुणीने मद्यसेवन केलं होतं. याचाच फायदा आरोपीनं घेतला आणि तिच्यावर अत्याचार केला. जेव्हा तरुणीला शुद्ध आली, तेव्हा तिच्यासोबत घडलेला प्रकार तिच्या लक्षात आला. यानंतर तिने तातडीने पोलीस ठाण्यात धाव घेतली. पोलिसांनी गुन्हा दाखल करत अवघ्या काही तासात आरोपीला बेड्या ठोकल्या आहेत.