हैदराबादच्या या नवीन वॉर रूममधून एक लाखांहून अधिक कॅमेऱ्यांच्या मदतीने शहरातील प्रत्येक परिस्थितीवर लक्ष ठेवता येणार आहे. एवढंच नाही तर या वॉर रूममधून रिअल टाइम ट्रॅफिकवर लक्ष ठेवता येणार असून, इथे हेलिपॅडही असणार आहे.

शहरासाठी हवामान अंदाज प्रणालीची स्थापना करण्यात आली आहे, जी गंभीर हवामानाच्या घटनांची पूर्वसूचना देऊ शकते. आपत्ती व्यवस्थापनाला पुढील स्तरावर नेऊन, ही यंत्रणा पूर, आग आणि भूकंप यांसारख्या आपत्कालीन परिस्थितीत उपयुक्त ठरू शकते. तेलंगणाचे गृहमंत्री महमूद अली यांनी हैदराबाद येथील पोलीस आयुक्तालयाच्या मुख्यालयात देशातील सर्वात अत्याधुनिक ICCC च्या नवीन केंद्राचं उदघाटन केलं. येथील वॉर रुममध्ये अत्याधुनिक सुविधा आहेत ज्या आपत्तीच्या वेळी सर्व ऑपरेशन्स केंद्रीय पद्धतीने नियंत्रित करण्यास सक्षम आहेत.