PM Modi Speech Highlights: 'न्‍यूक्‍ल‍ियर ब्‍लॅकमेल खपवून घेणार नाही', पंतप्रधान मोदींचा खणखणीत इशारा, भाषणातील ठळक मुद्दे

- सर्वप्रथम, मी प्रत्येक भारतीयाच्या वतीने भारताच्या शक्तिशाली सैन्याला, सशस्त्र दलांना आणि गुप्तचर संस्थांना सलाम करतो. ऑपरेशन सिंदूरची उद्दिष्टे साध्य करण्यासाठी आपल्या शूर सैनिकांनी प्रचंड शौर्य दाखवले.

- २२ एप्रिल रोजी पहलगाममध्ये दहशतवाद्यांनी दाखवलेल्या क्रूरतेने देश आणि जगाला धक्का बसला. निष्पाप नागरिकांना त्यांच्या कुटुंबियांना त्यांच्या धर्माबद्दल विचारल्यानंतर क्रूरपणे मारण्यात आले. हा दहशतीचा भयानक चेहरा होता, हा क्रूरपणा होता. देशाची सुसंवाद तोडण्याचे षड्यंत्र रचले गेले होते

- हल्ल्यानंतर, संपूर्ण राष्ट्र, वर्ग आणि पक्ष दहशतवादाविरुद्ध कारवाई करण्यासाठी एका सुरात उभे राहिले. आम्ही दहशतवाद्यांचा खात्मा करण्यासाठी सैन्याला पूर्ण स्वातंत्र्य दिले. आपल्या माता-भगिनींच्या कपाळावरून कुंकू पुसलं.  त्यानंतर आम्ही काय करू शकतो हे आता प्रत्येक दहशतवादी संघटनेला माहित आहे. ऑपरेशन सिंदूर हे फक्त एक नाव नाही तर देशाच्या भावनांचे प्रतीक आहे.

-६ मे रोजी रात्री उशिरा आणि ७ मे रोजी पहाटे भारत असा निर्णय घेईल असे पाकिस्तानला स्वप्नातही वाटलं होतं का? जेव्हा भारतीय क्षेपणास्त्रे आणि ड्रोनने पाकिस्तानमधील दहशतवादी तळांवर हल्ला केला तेव्हा दहशतवादी आणि त्यांचे मनोबल डळमळीत झाले. जगभरातील मोठ्या दहशतवादी हल्ल्यांचा संबंध पाकिस्तानशी जोडला गेला आहे. दहशतवाद्यांनी आमच्या बहिणींचं कुंकू पुसलं. भारताने १०० हून अधिक दहशतवाद्यांचा खात्मा केला. ते अनेक दशकांपासून पाकिस्तानात फिरत होते, भारताने त्यांना एका झटक्यात संपवलं. या कृतीमुळे पाकिस्तान खूप निराश आणि स्तब्ध झाला. या निराशेत आणखी एक धाडसी कृत्य केलं दहशतवादाविरुद्ध कारवाई करण्याऐवजी त्यांनी भारतावर हल्ला केला. मंदिरे आणि गुरुद्वारा शाळांना लक्ष्य करण्यात आलं

-लष्करी तळांना लक्ष्य केले भारतासमोर पाकिस्तानी ड्रोन आणि क्षेपणास्त्रे कशी तुटून पडली हे जगाने पाहिले. भारताच्या हवाई संरक्षण यंत्रणेने ते आकाशातच उद्ध्वस्त केले. मग भारतीय क्षेपणास्त्रे पाकिस्तानच्या छातीवर आदळली. पहिल्या तीन दिवसांत पाकिस्तान इतका उद्ध्वस्त झाला की त्याला स्वतःवर विश्वासच बसत नव्हता.

- भारताचे तिन्ही दल, आपले हवाई दल, आपले लष्कर आणि आपले नौदल, आपले सीमा सुरक्षा दल - भारताचे निमलष्करी दल बीएसएफ, सतत सतर्क असतात. सर्जिकल स्ट्राईक आणि एअर स्ट्राईकनंतर आता ऑपरेशन सिंदूर हे दहशतवादाविरुद्ध भारताचे धोरण आहे. ऑपरेशन सिंदूरने दहशतवादाविरुद्धच्या लढाईत एक नवीन रेषा आखली आहे, एक नवीन मानक, एक नवीन सामान्यता स्थापित केली आहे.

-जर पुन्हा कधी हल्ला झाला तर पुन्हा आम्ही आमच्या प्रकारे आणि अटी शर्तीवर हल्ला करू. ज्या ठिकाणाहून दहशतवादी हल्ला करतील त्या त्या ठिकाणी हल्ला केला जाईल. आण्विक शस्त्रांची धमकी भारत खपवून घेणार नाही. आम्ही शांततेच्या मार्गाने ताकदीने पुढे चाललो आहे.  आण्विक शस्त्राच्या नावाने धमकी देऊ नका, दहशतवाद्यांवर भारत निर्णायक कारवाई करेल.