Rahul Gandhi : 'क्रोनोलॉजी समझें..., 3-4 जूनमध्ये 30 लाख कोटींचा घोटाळा', राहुल गांधींचा आरोप, JPC ची मागणी

नवी दिल्ली : राहुल गांधी यांनी पंतप्रधान नरेंद्र मोदी आणि अमित शाहांवर गंभीर आरोप केले आहेत. निवडणुकीच्या काळात मोदी आणि अमित शाह यांनी शेअर मार्केटवर भाष्य केलं. खोट्या एक्झिट पोलचा मार्केटवर परिणाम झाल्याचा आरोप राहुल गांधी यांनी केला. मोदी आणि शाहांनी निवडणुकीच्या काळात शेअर मार्केटवर भाष्य का केलं? असा थेट सवाल राहुल गांधींनी उपस्थित केला. खोटे एक्झिट पोल आणि भाजपचा काय संबंध आहे? असा थेट सवालही राहुल गांधींनी उपस्थित केला. सरकारने शेअर मार्केटबाबत संभ्रम निर्माण केल्याने गुंतवणुकदारांचं कोट्यवधींचं नुकसान झाल्याचंही राहुल गांधी म्हणालेत. दरम्यान, या गंभीर प्रकाराची सखोल चौकशी झाल्याची मागणीही राहुल गांधी यांनी केली आहे.