Rahul Gandhi: LIVE : संसद परिसरात हायव्होल्टेज ड्रामा, राहुल, प्रियंका, राऊतांसह अनेक खासदार ताब्यात

नवी दिल्ली: विरोधी पक्षनेते राहुल गांधी यांनी मतदार यादीतील बनावट मतदारांवरून निवडणूक आयोगावर आरोप केल्यानंतर आता राजकारण पेटू लागले आहे. विरोधकांच्या 'इंडिया' आघाडीच्या खासदारांनी आज संसद भवन ते केंद्रीय निवडणूक आयोगाच्या कार्यालयावर मोर्चा काढण्याचा प्रयत्न केला. मात्र, दिल्ली पोलिसांनी या मोर्चाला अटकाव केला. पोलिसांनी मोर्चाला अटकाव केल्याने संतप्त झालेल्या खासदारांनी रस्त्यावर ठिय्या मांडला. खासदारांचा मोर्चा अडवण्यासाठी दिल्ली पोलिसांनी मोठा फौजफाटा तैनात केला. दिल्ली पोलिसांनी विरोधी पक्षनेते राहुल गांधी, प्रियंका गांधी, संजय राऊत यांच्यासह अनेक खासदारांना ताब्यात घेतले.  या दरम्यान काही ज्येष्ठ खासदारांसह महिला खासदारांची प्रकृती बिघडल्याची माहिती समोर आली आहे.