Supreme Court On Stray Dogs : सुप्रीम कोर्टाचा मोठा निर्णय. भटक्या कुत्र्यांची शेल्टर होममधून सुटका होणार, पण...

नवी दिल्ली: भटक्या कुत्र्यांच्या मुद्यांवर सुप्रीम कोर्टाने आज महत्त्वाचे निर्देश दिले आहेत. दिल्ली-एनसीआरच्या रस्त्यांवरील भटक्या कुत्र्यांना कायमचे 'डॉग शेल्टर'मध्ये पाठवण्याचा आदेश देण्यात आला होता. त्यानंतर, न्यायमूर्ती विक्रम नाथ, संदीप मेहता आणि एनव्ही अंजारिया यांच्या खंडपीठाने 14 ऑगस्ट रोजी झालेल्या सुनावणीनंतर निर्णय राखून ठेवला होता. आज सुप्रीम कोर्टाने आपला निर्णय दिला आहे. भटक्या कुत्र्‍यांना शेल्टर होममधून सोडण्याचे निर्देश देण्यात आले आहेत. पण, त्यासाठी सुप्रीम कोर्टाने एक अटही घातली आहे.