Trending:

Operation Sindoor: आया बहिणींचं कुंकू पुसणाऱ्यांना धडा शिकवला, भारतीय लष्कराचं 'ऑपरेशन सिंदूर' नेमकं काय आहे? त्याचा अर्थ काय?

Published by:Akshay Adhav

Last Updated:May 07, 2025 3:28 AM IST

Ind Attack on POK Operation Sindoor: पहलगाम हल्ल्याला प्रत्युत्तर म्हणून भारतीय लष्कराने पाकव्याप्त काश्मिरमध्ये क्षेपणास्त्रे डागत दहशतवाद्यांचे अड्डे उद्ध्वस्त केले.

नवी दिल्ली : पहलगाम हल्ल्याला प्रत्युत्तर म्हणून भारतीय लष्कराने पाकव्याप्त काश्मिरमधील दहशतवाद्यांच्या अड्ड्यांवर हल्ले करून ते पूर्णपणे नेस्तनाबूत केले आहेत. ऑपरेशन सिंदूर अंतर्गत एकूण ९ ठिकाणांवर भारतीय लष्कराने हल्ले केले आहेत. अधोरेखित करण्यासारखी बाब म्हणजे पाकिस्तानच्या लष्कराला कोणत्याही प्रकारे लक्ष्य करण्यात आलेले नाही. ज्या क्षणाची संपूर्ण देश आतुरतेने वाट पाहत होता, अशी कारवाई अत्यंत शिस्तबद्ध पद्धतीने भारतीय लष्कराने बरोबर १५ व्या दिवशी केली आहे. या कारवाईबद्दल भारताचे संरक्षणमंत्री राजनाथ सिंह यांनी भारतमाता की जय असे म्हणत आनंद व्यक्त केला तसेच भारतीय लष्कराचे अभिनंदन केले.

आया बहिणींचं कुंकू पुसणाऱ्यांना धडा शिकवला,भारतीय लष्कराचं 'ऑपरेशन सिंदूर' नेमकं काय आहे?

भारतीय वायू दलाने पाकव्याप्त काश्मीरमधील ९ अतिरेकी शिबिरांवर क्षेपणास्त्र डागले. हे क्षेपणास्त्र डागताना भारतीय वायुदलाने LOC सीमा न ओलांडता भारतीय हवाई क्षेत्रातूनच लक्ष्यभेद केला आहे. याद्वारे भारताने पाकिस्तान व्याप्त काश्मिरमधील दहशतवाद्यांचे अड्डे उद्ध्वस्त केले आहेत.

काश्मीरच्या स्वर्गीय सुखाचा आनंद घेण्यासाठी शेकडो पर्यटक पहलगाम येथे गेले होते. या निशस्त्र पर्यटकांवर दहशतवाद्यांनी गोळीबार केला. तुमचा धर्म कोणता, असे विचारून हिंदू मुसलमान नागरिकांना वेगळे करण्याचा त्यांनी प्रयत्न केला. यादरम्यान त्यांनी काही जणांना कुराणातील 'आयत' म्हणायली लावली. ज्यांना म्हणता आली नाही, त्यांना त्याक्षणी गोळ्या मारण्यात आल्या. या हल्ल्यात जवळपास २७ निष्पाप पर्यटकांचा जीव गेला.

पहलगाममधील दहशतवाद्यांनी बैसरन पहलगाममध्ये हल्ला केला तेव्हा त्यांनी कोणत्याही महिलेची हत्या केली नाही. खरे तर, दहशतवाद्यांना केवळ पुरुषांना लक्ष्य करून त्यांनाच मारण्याचा प्लॅन होता. म्हणूनच भारताने 'ऑपरेशन सिंदूर'च्या माध्यमातून त्यांना त्यांच्याच भाषेत उत्तर दिले. आपल्या आई बहि‍णींचे कुंकू पुसणाऱ्यांना भारतीय लष्कराने 'ऑपरेशन सिंदूर'द्वारे चांगलाच धडा शिकवला आहे.

आम्ही फक्त दहशतवादाविरोधात, भारताचा जगाला संदेश

भारताची ही कारवाई खूपच धोरणात्मक आहे. भारताने कोणत्याही पाकिस्तानी लष्करी ठिकाणाला अजिबात लक्ष्य केलेले नाही. दहशतवाद्यांच्या अड्ड्यांवर क्षेपणास्त्रे डागून भारताने आपण केवळ दहशतवादाविरुद्ध असल्याचा संदेश देण्याचा प्रयत्न केला आहे.