रीलमध्ये नाचण्यापासून रोखायचा पती, पत्नी युट्युबवर शिकली 'मर्डर टुटोरियल', रात्री काढला काटा!

28 जानेवारी रोजी पोलिसांना 25 वर्षीय कैलाशचा मृतदेह सापडल्याची माहिती मिळाली. पोलीस घटनास्थळी पोहोचले, पंचनामा केला, गुन्हा दाखल केला, मृतदेह शवविच्छेदनासाठी पाठवला आणि प्रकरणाचा तपास सुरू केला. शवविच्छेदन अहवालात मृत्यू गळा दाबून झाल्याचे उघड झाले. त्यानंतर, पोलिसांनी सापळा रचला आणि 24 तासात गूढ उकलले.

तपासात असे दिसून आले की घटनेच्या रात्री पती-पत्नी लग्नाला गेले होते. पत्नी डीजेच्या तालावर नाचत रील बनवत होती. पती कैलाशने तिच्या चारित्र्यावर संशय घेतला आणि तिला नाचण्यास आणि सोशल मीडियावर रील अपलोड करण्यास मनाई केली. या एका गोष्टीने तिला राग आला आणि तिने तिच्या पतीला मारण्याचा निर्णय घेतला.

पत्नी युट्यूबवरून तिच्या पतीला कसे मारायचे हे शिकली. कैलास घरी परत येताच आणि झोपी जाताच, अल्पवयीन पत्नीने संधी साधली, घरात असलेल्या पगडीला दोरी बनवली आणि तिचा पती मरेपर्यंत गळा दाबून मारलं. पोलिसांनी आरोपी महिलेला ताब्यात घेतले आहे. मध्य प्रदेशच्या झाबुआमध्ये घडलेल्या या घटनेमुळे खळबळ माजली आहे.