आजपासून सुरु होणार देशातील सर्वात स्वस्त इलेक्ट्रिक MPV ची बुकिंग, पहा किंमत किती

मुंबई : किआ मोटर्सने अलीकडेच त्यांची मेड-इन-इंडिया इलेक्ट्रिक एमपीव्ही कारेन्स क्लॅविस ईव्ही भारतात लाँच केली आहे. या वाहनाची सुरुवातीची किंमत 17.99 लाख रुपये ठेवण्यात आली होती. आता कंपनी आजपासून म्हणजेच 22 जुलैपासून किआ कारेन्स क्लॅविस एमपीव्हीची बुकिंग सुरू करणार आहे.

ही आयसीई (इंजिन आधारित) कारेन्स क्लॅविसची इलेक्ट्रिक व्हर्जन आहे. तुम्ही जवळच्या किआ शोरूममध्ये किंवा कंपनीच्या अधिकृत वेबसाइटवर फक्त 25,000 रुपयांमध्ये गाडी बुक करू शकता.

Kia Carens Clavis EVची रचना थोडी वेगळी करण्यात आली आहे. जेणेकरून ती मानक कारेन्स मॉडेलपेक्षा वेगळी दाखवता येईल. यात अॅक्टिव्ह एरो फ्लॅप्स, समोर चार्जिंग पोर्ट आणि नवीन 17-इंच एरो-ऑप्टिमाइज्ड व्हील्स आहेत. ही ईव्ही अनेक प्रीमियम आणि स्मार्ट फीचर्ससह सुसज्ज आहे. यात V2L (वाहन ते लोड) आणि V2V (वाहन ते वाहन) टेक्नॉलॉजी आहे.

Kia Carens Clavis EV ची पॉवर आणि रेंज : Kia Carens Clavis EV दोन बॅटरी ऑप्शनसह येते (42 kWh आणि 51.4 kWh). मोठ्या बॅटरी पॅकसह त्याची रेंज सुमारे 490 किमी आहे. तर लहान बॅटरी व्हेरिएंटची रेंज सुमारे 404 किमी असल्याचे म्हटले जाते.

ही Kia कार 171 hp पॉवर जनरेट करते आणि त्यात चार-लेव्हल रीजनरेटिव्ह ब्रेकिंग सिस्टम आहे. तसेच, Kia 8 वर्षांची वॉरंटी आणि दोन AC चार्जर पर्याय देखील देते.

कारचे एक्सटीरियर अपडेट : Kia Carens Clavis EV मध्ये नवीन फ्लोटिंग कन्सोल, बॉस मोड, पॉवर्ड ड्रायव्हर सीट, पॅनोरॅमिक सनरूफ, 12.3-इंच स्क्रीन, 8-स्पीकर बोस ऑडिओ सिस्टम, लेव्हल 2 ADAS, कनेक्टेड कार टेक्नॉलॉजी आणि 6 एअरबॅग्ज यासारख्या सुरक्षा फीचर्सचा समावेश आहे.

Carens Clavis ही ICE रूपांतरित कार आहे. त्याची किंमत BYD eMax 7 पेक्षा कमी आहे आणि ती भारतातील सर्वात परवडणारी 3-रो EV बनली आहे.