इतक्या स्वस्त CNG कार पुन्हा मिळणार नाहीत! कंपन्या देतायेत भरभरून डिस्काउंट; फक्त 7 दिवसच संधी

वर्ष 2024 जवळ येत आहे आणि त्यानिमित्ताने अनेक कार मॉडेल्सवर मोठ्या प्रमाणात सूट देण्यात येत आहे.  सीएनजी कारवर कंपन्या अनेक ऑफर्सही देत ​​आहेत. यामध्ये मारुतीपासून ह्युंदाई, टोयोटा आणि इतर अनेक कंपन्यांच्या सीएनजी कारचा समावेश आहे.

या यादीत पहिलं नाव मारुती सुझुकीचं आहे. कंपनी आपल्या सर्वाधिक विक्री होणाऱ्या कॉम्पॅक्ट सेडान स्विफ्ट (मारुती स्विफ्ट) च्या CNG प्रकारावर 25,000 रुपयांपर्यंतची रोख सूट देत आहे. याशिवाय Celerio आणि S-Presso च्या CNG मॉडेल्सवर अनुक्रमे 30,000 आणि 25,000 रुपयांची सूट दिली जात आहे.

ह्युंदाई बद्दल बोलायचं झाल्यास कंपनी तिच्या Aura CNG वर 20,000 रुपयांची रोख सवलत, 10,000 रुपयांचा एक्सचेंज बोनस आणि 3,000 रुपयांची कॉर्पोरेट सूट देत आहे. याशिवाय ग्राहकांना 35,000 रुपयांची रोख सवलत, 10,000 रुपयांचा एक्सचेंज बोनस आणि 3,000 रुपयांची कॉर्पोरेट सवलत ग्रँड i10 Nios च्या CNG प्रकारांवर देखील मिळू शकेल.

देशातील आघाडीची कार उत्पादक कंपनी टाटा मोटर्स देखील त्यांच्या CNG कारच्या श्रेणीवर वर्षाच्या शेवटी आकर्षक ऑफर देत आहे. या महिन्यात, Tata Altroz ​​च्या CNG प्रकारावर 25,000 रुपयांची रोख सूट दिली जात आहे. या व्यतिरिक्त, ग्राहकांना या कारवर 10,000 रुपयांचा एक्सचेंज बोनस आणि 10,000 रुपयांचा कॉर्पोरेट डिस्काउंट देखील मिळू शकतो. त्याच वेळी टाटा टियागोच्या सीएनजी प्रकारांवर 5,000 रुपयांची रोख सूट, 30,000 रुपयांचा एक्सचेंज बोनस आणि 15,000 रुपयांची कॉर्पोरेट सूट देखील दिली जात आहे. एकंदरीत, तुम्ही Tiago CNG च्या खरेदीवर 50,000 रुपये वाचवू शकता.

टोयोटा मोटरने डिसेंबरमध्ये ग्लान्झा सीएनजीवरही सूट जाहीर केली आहे. या महिन्यात Glanza CNG च्या खरेदीवर 20,000 रुपयांची रोख सूट दिली जात आहे. याशिवाय या कारवर 20,000 रुपयांचा एक्सचेंज बोनस देखील मिळू शकतो. कंपनी ग्लान्झा वर चौथ्या आणि पाचव्या वर्षांसाठी 11,000 रुपयांपर्यंतची विस्तारित वॉरंटी देखील देत आहे.