प्रसिद्ध अभिनेत्याने वयाच्या 46 व्या वर्षी उचललं टोकाचं पाऊल, घरातच आढळला मृतदेह

फिल्म इंडस्ट्रीतून 22 डिसेंबर 2025 रोजीच्या सकाळी एक दु:खद बातमी समोर आली आहे. प्रसिद्ध अभिनेता जेम्य रैनसोन यांचे वयाच्या 46 व्या वर्षी निधन झाले आहे. अभिनेत्याच्या निधनाने चाहत्यांना मोठा धक्का बसला आहे. चाहते आणि सेलिब्रिटी शोक व्यक्त करत आहेत.

जेम्स रैनसोन हे हॉलिवूड इंडस्ट्रीतील प्रसिद्ध अभिनेते होते. लॉस एंजिल्स काउंटी मेडिकल एग्जामिनरच्या मीडिया रिपोर्टनुसार, जेम्स रैनसोन याने फाशी घेत आत्महत्या केली आहे. निधनाआधी जेम्स लॉस एंजिल्स याठिकाणी राहायला होता.

जेम्स रैनसोन यांच्या घरुन लॉस एंजिल्स पोलिस ठाण्यात फोन गेला होता. पोलीस ज्यावेळी जेम्स रैनसोन यांच्या घरी गेले तोपर्यंत त्यांचे निधन झालेले होते. पोलिसांना तपासानंतर जेम्स रैनसोन यांच्या निधनाचे काहीही संकेत मिळालेले नाहीत.

जेम्स रैनसोन यांना HBO च्या 'द वायर' (The Wire) या क्लासिक सीरिजच्या माध्यमातून खऱ्या अर्थाने लोकप्रियता मिळाली होती. या सीरिजच्या दुसऱ्या सीझनमध्ये त्यांनी 'चेस्टर जिगी सोबोटका' हे पात्र साकारलं होतं. त्यानंतर त्यांनी HBO च्या 'जनरेशन किल' या मिनीसीरिजमध्ये कॉर्पोरल जोश रे पर्सन ही भूमिका साकारली.

जेम्स रैनसोन यांना आंतरराष्ट्रीय स्तरावर गौरविण्यात आलं आहे. टेलिव्हिजनसोबत जेम्स रैनसोन यांनी हॉरर चित्रपटांतही आपल्या अभिनयाचा ठसा उमटवला होता. त्याने 'इट:चॅप्टर टू' (It:Chapter Two) या फिल्ममध्ये 'एडी कैस्पब्रॅक' ही भूमिका साकारली होती.

जेम्स रैनसोन याने सिनिस्टर, सिनिस्टर 2' टॅगरीन आणि द ब्लॅक फोन सारख्या चित्रपटांत आपल्या अभिनयाची छाप पाडली होती. जेम्स रैनसोन यांचा 'द ब्लॅक फोन 2' हा चित्रपट शेवटचा ठरला. तसेच सील्स टीम' आणि 'लॉ एंड ऑर्डर' TV शोमध्येही त्यांनी काम केलं आहे.

जेम्स रैनसोन यांच्या करिअरची सुरुवात 2002 मध्ये 'केन पार्क' या फिल्मच्या माध्यमातून झाली होती. जेम्स रैनसोन यांच्या पश्चात त्यांची पत्नी आणि दोन मुलं आहेत. जगभरातील सिनेसृष्टीतील कलाकार मंडळी जेम्स रैनसोन यांच्या निधनावर शोक व्यक्त करत आहेत.