नॉनव्हेज-दारू सोड! 65000 कोटींच्या संपत्तीचा मालक, नवऱ्याने अभिनेत्रीसमोर ठेवली अट, 2 वर्षांत मोडला संसार

80-90 च्या दशकातील बॉलिवूडच्या एका अभिनेत्रीने सिने-इंडस्ट्रीत पाऊल ठेवताच सर्वांची मने जिंकून घेतली. गोविंदा आणि चंकी पांडे यांच्यासोबतची या अभिनेत्रीची जोडी सुपरहिट होती. पण नंतर अभिनयक्षेत्राला रामराम करत अभिनेत्रीने ज्वैलरी डिजायलिंगचा उद्योग सुरू केला. अभिनयक्षेत्रातील आपल्या कामांपेक्षा ही अभिनेत्री वैयक्तिक आयुष्यामुळेच जास्त चर्चेत राहिली. तिने करोडपती व्यावसायिकासोबत ती लग्नबंधनात अडकली. पण नंतर काही कारणाने ते विभक्त झाले.

अभिनेत्रीच्या पतीची नेटवर्थ 65,000 कोटी रुपये असल्याचं म्हटलं जातं. लग्नानंतर तिचं नाव बदलण्यास सांगितल्याने तसेच दारू आणि नॉनव्हेजन न खाण्यास सांगितल्याने तिने घटस्फोट घेतला होता. एका मुलाखतीत अभिनेत्रीने यासंदर्भात सांगितलं होतं.

नीलम कोठारी असं या अभिनेत्रीचं नाव आहे. आपल्या फिल्मी करिअरमध्ये तिने अनेक दर्जेदार चित्रपटांत काम केलं आहे. 'जवानी' या 1984 मध्ये आलेल्या चित्रपटाच्या माध्यमातून तिने आपल्या करिअरची सुरुवात केली. या चित्रपटात करण शाह आणि मौसमी चटर्जी मुख्य भूमिकेत होते.

नीलमने 'इल्जाम','सिंदुर','दो कैदी','बिल्लू बाजशाह'सह 14 चित्रपटांत आपल्या अभिनयाची छाप पाडली. पण नंतर लग्नानंतर तिने इंडस्ट्रीला राम-राम ठोकला.

नीलमचं पहिलं लग्न बँकॉकचे उद्योगपती ऋषी सेठिया यांच्यासोबत झालं होतं. ऋषि यांची एकूण नेटवर्थ 65,000 कोटी रुपये आहे. नीलमने 2000 मध्ये ऋषि सेठियासोबत शाही थाटात लग्न केलं. एका मुलाखतीत नीलम म्हणाली होती की, लग्नानंतर तिला अनेक गोष्टी बदलाव्या लागल्या.

नीलमने सांगितले की लग्नानंतर तिला खूप गोष्टी सहन कराव्या लागत होत्या. लग्नानंतर ऋषि यांनी नीलमला तिचं नाव बदलायला सांगितलं. त्यावेळी नीलमने विचार केला,"ठीक आहे. अनेकदा महिलांना लग्नानंतर नाव बदलावं लागतं".

नीलम म्हणते,"लग्नानंतर महिलांना नाव बदलावं लागतं हे लक्षात घेऊन मी स्वतःला समजावलं होतं. मी सगळं सोडलं होतं. कारण प्रेमात वेडी झालेली व्यक्ती काहीही करण्यास तयार असते. पण स्वतःची ओळख गमावणं मला मान्य नव्हतं. मी स्वतःला प्रश्न विचारू लागले. मग मला दारू सोडायला आणि नॉनव्हेज खाणं थांबवायला सांगितलं. तेव्हा मला जाणवलं की आता खूप झालं आहे. मी नकार दिला." पतीच्या दबावांमुळे आणि टॉक्सिक नात्यामुळे ती खूप त्रस्त झाली होती. त्यामुळे तिने ऋषीपासून घटस्फोट घेण्याचा निर्णय घेतला.