टीम इंडिया पर्थमध्ये पोहोचताच ऑस्ट्रेलियाचा माईंड गेम सुरू, कॅप्टनने केला विराट-रोहितचा अपमान!

मुंबई : भारत आणि ऑस्ट्रेलिया यांच्यातल्या वनडे सीरिजला 19 ऑक्टोबरपासून सुरूवात होणार आहे, ज्यासाठी भारतीय टीम ऑस्ट्रेलियाला रवाना झाली आहे. भारतीय टीम पर्थमध्ये पोहोचण्याच्या आधीच ऑस्ट्रेलियाचा वर्ल्ड कप विजेता कर्णधार पॅट कमिन्सने माईंड गेम खेळायला सुरूवात केली आहे. कमिन्सने भारत आणि ऑस्ट्रेलियाच्या वनडेमधल्या सर्वकालीन प्लेयिंग इलेव्हनची घोषणा केली आहे, यामध्ये त्याने विराट कोहली, जसप्रीत बुमराह आणि रोहित शर्मा यांचं नाव घेतलं नाही. विराट आणि रोहितला आपल्या टीममध्ये न घेण्याचं कारणही कमिन्सने सांगितलं आहे.