OTT Must Watch : 2 तास 30 मिनिटांचा धमाकेदार फॅमिली ड्रामा, ओटीटीवर मस्ट वॉच सिनेमा; तुम्ही पाहिलात का?

ओटीटीवर एकापेक्षा एक हटके मूव्ही-सीरिज रीलीज होत असतात. प्रेक्षक घरबसल्या हवा तो मूव्ही सीरिज आरामात पाहू शकतात. तुम्हीही एखादा फॅमिली ड्रामा पाहण्याचा विचार करत असाल तर अशाच एका मस्ट वॉच सिनेमाविषयी जाणून घेऊया.

आपण बोलत असलेला हा फॅमिली ड्रामा आहे, दक्षिण चित्रपटसृष्टीचा सुपरस्टार मोहनलाल यांचा. ते आपल्या प्रेक्षकांना नेहमीच काहीतरी हटके देतात. 'हृदयपूर्वम' हा सिनेमा त्यामधील एक.

'हृदयपूर्वम' (Hridayapoorvam) ओटीटीवर धमाका करत आहे. नुकताच हा चित्रपट जिओ हॉटस्टारवर रिलीज झाला असून तो सध्या जागतिक ट्रेंडिंग चार्टमध्ये पहिल्या क्रमांकावर झळकत आहे.

हा चित्रपट थिएटरमध्ये आधीच प्रचंड गाजला होता. बॉक्स ऑफिसवर 100 कोटींपेक्षा जास्त कमाई करून ‘ब्लॉकबस्टर’ ठरलेल्या या चित्रपटाची ओटीटीवरही तुफान मागणी आहे.

2 तास 30 मिनिटांच्या या चित्रपटात एक स्वयंपाकी आणि रेस्टॉरंट मालकाची गोष्ट आहे. तो अविवाहित आणि थोडा एकाकी आहे. पण एका दिवशी त्याचे आयुष्य पूर्ण बदलते. त्याचं हृदय प्रत्यारोपण झालेलं असतं आणि हृदयदान करणाऱ्या व्यक्तीची मुलगी त्याला भेटायला येते. ती त्याला आपल्या लग्नाचे आमंत्रण देते. या कौटुंबिक सोहळ्यातून घडणाऱ्या घटना, भावनिक क्षण आणि अनपेक्षित ट्विस्ट प्रेक्षकांना खिळवून ठेवतात.

मोहनलालच्या दमदार अभिनयासोबतच मालविका मोहनन, संगीता प्रताप आणि संगीता माधवन नायर यांच्या भूमिका चित्रपटाला वेगळीच उंची देतात. कौटुंबिक नात्यांमधली गुंतागुंत, थोडं रोमँटिक आणि थोडं विनोदी टच प्रेक्षकांच्या मनात घर करून जातो.

IMDb वर 7.1 रेटिंग मिळालेला हा चित्रपट चाहत्यांना इतका आवडला आहे की सोशल मीडियावर लोक त्याला "या वर्षातील बेस्ट कौटुंबिक ड्रामा" म्हणत आहेत. हृदयपूर्वम केवळ मल्याळममध्येच नाही तर हिंदी डबिंगसहही उपलब्ध आहे, ज्यामुळे उत्तर भारतातील प्रेक्षकही मोठ्या प्रमाणात हा चित्रपट पाहत आहेत.