तिच स्टाइल तिच पोझ, फक्त गर्लफ्रेंड बदलली, स्मृतीआधी पलाशने 'ती'लाही केलेलं सेम प्रपोज, Photo Viral

23 नोव्हेंबर रोजी होणारा भारतीय क्रिकेटपटू स्मृती मानधना आणि गायक पलाश मुच्छल यांचा विवाह सोहळ्याच्या काही तास आधी "अनिश्चित काळासाठी पुढे ढकलण्यात आला आहे". दोन्ही कुटुंबांनी स्मृतीच्या वडिलांची अचानक तब्येत बिघडल्याचे कारण सांगितलं. पण दोघांमध्ये काहीतरी मेजर बिनसल्याचं चित्र सोशल मीडियावर पाहायला मिळालं.

एकीकडे स्मृतीने दोघांचे लग्नातील सगळे फोटो आणि व्हिडीओ डिलीट केले. तर दुसरीकडे एक मॉडेलने प्रायव्हेट चॅट्स व्हायरल केले. यावरून पलाशने स्मृतीची फसवणूक केल्याच्या चर्चा सोशल मीडियावर रंगल्या आहेत.

सोशल मीडियावर सुरू असलेल्या चर्चांमध्ये पलाशचे त्याच्या एक्स गर्लफ्रेंडबरोबरचे जुने फोटो समोर आले असून ते चांगलेच व्हायरल होत आहेत.  एका फोटोमध्ये पलाश स्मृतीला गुडघ्यावर बसून प्रपोज करतोय तर दुसऱ्या फोटोमध्ये त्याची एक्स गर्लफ्रेंडला आहे तिलाही तो गुडघ्यावर बसून प्रपोज करतोय. पलाशने त्याच्या एक्स गर्लफ्रेंडसाठी खास दिव्यांचं डेकेरेशन केल्याचंही फोटोमध्ये दिसतंय.

हे फोटो शेअर करत एका सोशल मीडिया युझरने असा अंदाज लावला आहे की, स्मृती मानधनासोबत डेटिंग सुरू करण्यापूर्वीच त्यानं लग्न केलं असावं. दरम्यान या दाव्यांची कोणीही पुष्टी केलेली नाही.  न्यूज18 देखील व्हायरल फोटोंमागच्या सत्यतेची पुष्टी करू शकत नाही.

पलाशचे एक्स गर्लफ्रेंडसोबत व्हायरल होत असलेल्या फोटोमध्ये दिसणाऱ्या मुलीचं नाव बिरवा शाह असल्याचं बोललं आहे. ती नामांकित प्लास्टिक सर्जन असल्याचं बोललं जात आहे. पलाशचा हा फोटो 2017 मधील असल्याचं बोललं जात आहे.

एक्स गर्लफ्रेंडसोबत ब्रेकअप झाल्यानंतर काही कॉमन मित्रांमधून 2019 मध्ये त्याची ओळख स्मृती मानधनाबरोबर झाली होती.  2024 मध्येच स्मृती तिच्या  रिलेशनची बातमी सगळ्यांना दिली होती.

दरम्यान स्मृतीने साखरपुड्याचा व्हिडिओ तिच्या सोशल मीडियावरून डिलीट केला आहे. लग्न पुढे ढकलल्यानंतर  स्मृतीने तिच्या साखरपुड्याच्या व्हिडीओही डिलीट केला आहे. यामुळे स्मृती आणि पलाश यांच्या नात्यात काहीतरी मोठं घडलं असल्याच्या चर्चांना आणखी दुजोरा मिळाला आहे.

वृत्तांनुसार, स्मृतीचे वडील श्रीनिवास मानधना यांना लग्नाच्या दिवशी सकाळी हृदयविकाराच्या झटक्यासारखी लक्षणे जाणवली आणि त्यांना सांगलीतील हॉस्पिटलमध्ये दाखल करण्यात आले. त्यामुळे स्मृती लग्न पुढे ढकलण्यात आल्याचं सांगण्यात आलं.