Who is Sreeleela : समांथाला टक्कर देतेय श्रीलीला! कोण आहे नवी नॅशनल क्रश? जिला अल्लू अर्जूनही म्हणाला Cute Girl

पुष्पामध्ये अभिनेत्री समांथने 'ऊ अंटावा' या आयटम साँगमधून तिचा ठसा दाखवून दिला होता. 'पुष्पा 2'मधून समांथाचा पत्ता कट झाला आहे. 'किसिक' गाण्यातून अभिनेत्री श्रीलीला प्रेक्षकांसमोर आली आहे. गाणं रिलीज होताच काही तासात श्रीलीला नॅशनल क्रश झाली आहे. श्रीलीला ही अल्लू अर्जुनची फेव्हरेट आहे. अल्लू अर्जुन तिला क्यूट गर्ल म्हणतो. नेमकी श्रीलीला आहे कोण पाहूयात.

'पुष्पा 2' मधील 'किसिक' हे गाणे चाहत्यांच्या अपेक्षेपेक्षा खूपच चांगलं ठरलं आहे. अनेक मोठ्या अभिनेत्री या आयकॉनिक स्पेशल नंबरच्या शर्यतीत असताना, निर्मात्यांनी श्रीलीलाच्या रूपात एक नवीन, तरुण आणि फ्रेश चेहरा निवडला. तिच्या बोल्ड डान्स मूव्ह आणि अप्रतिम स्क्रीन प्रेझेन्सने तिने प्रेक्षकांना वेड लावले आहे. इंडस्ट्रीतील सर्वात लोकप्रिय अभिनेत्रींमध्ये तिचा समावेश झाला आहे.

अनेक लोक इंटरनेटवर श्रीलीलाविषयी माहिती शोधत आहेत. श्रीलीलाबद्दल सांगायचं झाल्यास, श्रीलीलने महेश बाबूसोबत 'गुंटूर करम' मधील 'कुर्ची मधापेट्टी' या गाण्यातून डेब्यू केला होता. तेव्हापासून ती चर्चेत होती.

2017 मध्ये तिने 'चित्रांगदा' या चित्रपटातून बालकलाकार म्हणून आपल्या करिअरची सुरुवात केली. 2019 मध्ये 'किस' या कन्नड चित्रपटात ती प्रमुख अभिनेत्री म्हणून दिसली.

'पेल्ली संदाद' आणि 'धमाका' सारख्या सुपरहिट तेलुगू चित्रपटातही तिने काम केले आहे. श्रीलीला तिच्या अप्रतिम डान्ससाठी ओळखली जाते.

'पेल्ली सुंदर' मधील 'मधुरा नगरीलो' गाण्यापासून ते 'पुष्पा 2' मधील 'किसिक' पर्यंत तिच्या प्रत्येक गाण्याने प्रेक्षकांच्या मनावर राज्य केलं. 'पुष्पा 2' मधील तिचा सहकलाकार अल्लू अर्जुननेही तिचे कौतुक केले आहे. अल्लू अर्जुन श्रीलीलाला 'सुपर मेहनती आणि सुपर क्यूट गर्ल' म्हणतो.