Zubeen Garg Death : झुबीन गर्गच्या अंत्यदर्शनासाठी आसाममध्ये जनसागर उसळला; पाहा PHOTO

'या अली' या गाण्याने देशाला वेड लावणारे लोकप्रिय गायक झुबीन गर्ग यांच्या निधनाने संपूर्ण आसामवर दु:खाची लाट पसरली आहे.

सिंगापूरमध्ये स्कूबा डायव्हिंग करताना झालेल्या अपघातात झुबिनने आपला जीव गमावला. त्याच्या निधनामुळे आसाम सरकारने 20 ते 22 सप्टेंबर या तीन दिवसांसाठी राज्य दुखवटा जाहीर केला आहे.

झुबिन यांचे पार्थिव आता गुवाहाटीमधील काहिलीपारा येथील त्यांच्या निवासस्थानाकडे नेले जात आहे.

हजारो लोक रस्त्यावर उतरून झुबिन यांच्या पार्थिवाचं शेवटचं दर्शन घेण्यासाठी गर्दी करत आहेत, तर लाखो लोक त्यांच्या अंतिम यात्रेत सहभागी होत आहेत.

झुबिन गर्ग यांचे पार्थिव सरुसुजाई स्टेडियममध्ये ठेवले जाणार आहे. जेणेकरून आसामकरांना त्यांचे अंतिम दर्शन घेता येईल.

झुबीन गर्ग यांचे निधन शनिवारी सिंगापूरमध्ये झाले. त्यांचे पार्थिव रविवारी दिल्लीला आणले गेले, त्यानंतर एअर इंडियाच्या फ्लाइटने सकाळी सुमारे 7 वाजता गुवाहाटीमध्ये पोहोचवले गेले.

झुबीन गर्गचं पार्थिव गुवाहाटीला पोहोचण्याआधीच एअरपोर्टवर जनसागर लोटला होता. विमानतळाकडे जाणाऱ्या रस्त्यावर अनेक चाहते झुबीन गर्गची लोकप्रिय गाणी गात, गिटार वाजवताना दिसून आले.

झुबीनचं ‘या अली’ हे गाणं तुफान गाजलं होतं. या गाण्यामुळे त्याला संपूर्ण देशभरात लोकप्रियता मिळाली होती. त्याच्या निधनाच्या वृत्ताने चाहत्यांमध्ये शोककळा पसरली आहे.