Footwear Guide : स्पोर्ट शूज खरेदी करताना 'या' चुका टाळा! पायांना होईल गंभीर इजा, जावं लागेल डॉक्टरांकडे..

Published by:Pooja Jagtap

Last Updated:November 26, 2025 4:56 PM IST

Proper Footwear Guide : वर्कआउट, रनिंग किंवा कोणत्याही खेळात चांगला परफॉर्मन्स हवा असेल तर योग्य स्पोर्ट्स शूज अत्यंत गरजेचे असतात. चुकीचे शूज निवडल्यास लगेच पायदुखी, टाच दुखणे, नी पेन किंवा दीर्घकालीन फुट प्रॉब्लेम्स उद्भवू शकतात. त्यामुळे शूजची डिझाइन आणि लुकपेक्षा त्यांची आरामदायकता, ग्रिप आणि सपोर्ट अधिक महत्त्वाचे ठरतात. चला पाहूया तुमच्यासाठी योग्य शूज कसा निवडावा.

1/7

अनेकदा लोक स्पोर्ट्स शूज फक्त त्यांच्या आकर्षक डिझाइनकडे पाहून खरेदी करतात. पण तज्ज्ञांच्या मते, शूजच्या आतल्या कुशनिंगला सर्वाधिक महत्त्व दिले पाहिजे. शूज आतून आरामदायक नसतील तर काही पावले चालताच पाय दुखू लागतात आणि वर्कआउट करताना अस्वस्थता जाणवते.

2/7

प्रत्येक खेळ किंवा वर्कआउटनुसार शूजची रचना बदलते. रनिंगसाठी हलके पण सपोर्टिव्ह शूज चांगले मानले जातात तर जिमसाठी स्थिरता देणारी सोल आवश्यक असते. ट्रेकिंगसाठी मजबूत, ग्रिप असलेले आणि अँकल सपोर्ट देणारे शूज योग्य ठरतात. चुकीचा प्रकार निवडल्यास पायांच्या स्नायूंवर अतिरिक्त दाब येऊ शकतो.

3/7

काही लोक शूज खरेदी करताना फक्त उभे राहून फिटिंग पाहतात. पण तज्ज्ञ सांगतात की, शूज घालून काही पावले चालून पाहणे आवश्यक आहे. यामुळे शूजची ग्रिप, फिटिंग, आरामदायकता आणि चालताना पाय कसे वळतात याचा अंदाज येतो.

4/7

ज्यांचे वजन जास्त असते, त्यांनी नेहमी मजबूत, जाड आणि टिकाऊ सोल असलेले शूजच घ्यावेत. असे सोल शरीराचा दाब चांगल्या प्रकारे सहन करतात आणि लवकर घासून खराब होत नाहीत. हलके आणि पातळ सोल वजनदार व्यक्तीसाठी नुकसानदायक ठरू शकतात.

5/7

घरात वापरण्यासाठी मऊ आणि हलक्या सोलचे शूज चांगले असतात. परंतु बाहेर रनिंग, जॉगिंग किंवा ट्रेडमिलसाठी मजबूत, सपोर्टिव्ह आणि शॉक-अ‍ॅब्झॉर्बिंग सोल असलेले शूज घ्यावेत. चुकीचे शूज घेतल्यास केवळ शूजच खराब होत नाहीत, तर पाय, टाच आणि गुडघ्यांवर ताण येतो.

6/7

परफेक्ट स्पोर्ट्स शूज कसे निवडावेत : शूज खूप टाईट किंवा लूज नसावे. तुमच्या बोटांना हलका स्पेस मिळाला पाहिजे पण पाय घसरू नये. सोलची लवचिकता, कुशनिंग, आर्च सपोर्ट, हील सपोर्ट आणि ग्रिप व्यवस्थित तपासावी. तसेच शूज तुमच्या अ‍ॅक्टिव्हिटीला, पायाच्या शेपला आणि वजनाला योग्य असणे आवश्यक आहे. योग्य शूज निवडल्यास जखमा, पायदुखी आणि नी पेनसारख्या अनेक समस्या सहज टाळता येतात.

7/7

Disclaimer : या बातमीत दिलेली माहिती आणि आरोग्याशी संबंधित सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून, डॉक्टरांचा सल्ला घेतल्यानंतरच काहीही वापरा. त्याच्या वापरामुळे होणाऱ्या कोणत्याही नुकसानासाठी न्यूज-18 जबाबदार राहणार नाही.

Footwear Guide : स्पोर्ट शूज खरेदी करताना 'या' चुका टाळा! पायांना होईल गंभीर इजा, जावं लागेल डॉक्टरांकडे..

फोटो

ताज्या बातम्या