Hair Care : केसांना मुळांपासून मजबूत करेल 'हे' पाणी, फक्त योग्य पद्धतीने करा वापर अन् पाहा फरक

आजकाल केसांचे गळणे, कमकुवत केस आणि वेळेपूर्वीच केस पांढरे होणे अश्या समस्या खूप सामान्य होत चालल्या आहेत. यामागे, अति ताण, प्रदूषण , अनहेल्दी आहार आणि केमिकल बेस्ड प्रॉडक्ट्स हे मुख्य कारण आहे.

महागड्या उत्पादनांऐवजी, तुमच्या स्वयंपाकघरात उपलब्ध असलेला चहाचा अर्क केसांना मुळांपासून मजबूत बनवतो, हे तुम्हाला माहीत आहे का? चहाच्या पाण्यात असलेले घटक केसांच्या आरोग्यासाठी अत्यंत फायदेशीर आहेत. फक्त याचा योग्य पद्धतीने वापर करणे आवश्यक आहे.

कॅफीन'चा केसांवर परिणाम: चहामध्ये नैसर्गिकरित्या कॅफीन असते. हे कॅफीन टाळूतील रक्तप्रवाह सुधारते आणि केसांच्या फॉलिकल्सना उत्तेजित करते. ज्यामुळे केसांची वाढ वाढते आणि मुळे मजबूत होतात.

नैसर्गिक चमक आणि रंग: चहातील टॅनिन नावाचे घटक केसांना नैसर्गिक चमक देतात. गडद रंगाच्या केसांसाठी हा अर्क खूप प्रभावी ठरतो, कारण तो केसांना गडद रंग देतो.

चहाचा अर्क तयार करणे: सर्वात प्रथम काळ्या चहाची पाने किंवा चहापूड घ्या. 1 लिटर पाण्यात 3 ते 4 चमचे चहापूड घालून ते उकळून घ्या. थंड झाल्यावर गाळून घ्या.

चहाचे पाणी कसे लावायचे: प्रथम, तुमचे केस शाम्पूने चांगले धुवा. नंतर, चहाचे पाणी किंचित ओल्या केसांवर स्प्रे करा किंवा बोटांनी ते मुळांना लावा. ते टाळूमध्ये चांगले शोषले जाईल याची खात्री करण्यासाठी तुमच्या डोक्याला हलक्या हाताने मालिश करा. ते 30 मिनिटे तसेच राहू द्या.

काय आहेत फायदे: केसांची मुळे मजबूत करण्यासाठी हा उपाय आठवड्यातून फक्त 1 ते 2 वेळा वापरावा. दररोज वापरल्यास केस कोरडे होऊ शकतात. जर टाळूवर चिकटपणा वाटला तर लगेच स्वच्छ पाण्याने धुवा. चहाचा अर्क हा केसांच्या वाढीसाठी एक नैसर्गिक, स्वस्त आणि प्रभावी उपाय आहे. योग्य पद्धतीने वापर केल्यास केस तुटण्याचे प्रमाण कमी होते.