Breaking news: जळगावमध्ये भीषण अपघात; प्रवाशांनी भरलेली बस पुलावरून खाली कोसळली

जळगावमधून भीषण अपघाताची बातमी समोर आली आहे. चाळीसगावच्या मेहुणबारे येथील गिरणा नदीच्या पुलावरून खासगी बस खाली कोसळली

ही बस अहमदाबादवरून छत्रपती संभाजीनगरकडे निघाली होती. सुदैवानं या अपघातामध्ये कोणतीही जिवीतहानी झालेली नाही. मात्र आठ ते दहा प्रवासी गंभीर जखमी झाले आहेत.

या अपघातामध्ये जखमी झालेल्या व्यक्तींना स्थानिकांच्या मदतीनं तातडीनं रुग्णालयात दाखल करण्यात आलं आहे. त्यांच्यावर चाळीसगाव ग्रामीण रुग्णालयात उपचार सुरू आहेत.

आज सकाळी आठ वाजेच्या सुमारास हा अपघात झाला. चालकाचं वाहनावरील नियंत्रण सुटल्यानं हा अपघात झाल्याची माहिती समोर येत आहे.

या अपघातामध्ये वाहनाचं देखील मोठं नुकसान झालं आहे. चालकाचं नियंत्रण सुटल्यानं हा अपघात झाला. बस पुलावरून खाली कोसळली