Gold, silver rates : आनंदाची बातमी! सोन्या-चांदीच्या दरात मोठी घसरण, हाच तो खरेदीचा क्षण

सुवर्णनगरी अर्थात जळगावच्या सराफा बाजारामध्ये सोन्या-चांदीच्या भावात चढ उतार सुरूच आहे. आज पुन्हा एकदा मौल्यवान धातूच्या किमतीमध्ये घसरण झाली आहे.

आज जाहीर झालेल्या दरानुसार सोन्याच्या दरात प्रति तोळ्यामागे 300 रुपयांनी तर चांदीच्या दरात प्रति किलो मागे तब्बल 2 हजार रुपयांची घसरण झाली आहे.

चांदीच्या दरात घसरण झाली असून, चांदीचा दर 90 हजाराहून 88 हजार रुपये प्रति किलोवर पोहोचला आहे, चांदी स्वस्त झाल्यानं मार्केटमध्ये तेजी येण्याची शक्यता आहे.

दुसरीकडे सोन्याच्या दरामध्ये देखील प्रति तोळ्यामध्ये 300 रुपयांची घसरण झाली असून, सोन्याचे दर प्रति तोळा 71 हजार 600 रुपयांवर पोहोचले आहेत.

गेल्या काही दिवसांपासून सोने-चांदीच्या भावात सतत चढ-उतार होत आहे. गेल्या आठवड्याच्या तुलनेत चांदीच्या भावात मोठी घसरण झाली आहे. सोने-चांदी स्वस्त झाल्यानं खरेदीचं प्रमाण वाढण्याची शक्यता आहे.