Weather Alert: पश्चिम महाराष्ट्रात धो धो कोसळणार, पुणे ते कोल्हापूर ऑरेंज अलर्ट, 23 जुलैचा हवामान अंदाज

राज्यात पुन्हा पावसाला पोषक हवामान झाले असून काही भागात पावसाचा जोर वाढला आहे. आज 23 जुलै रोजी कोकण, घाटमाथ्यावर मुसळधार पावसाची शक्यता असल्याने दक्षतेचा ऑरेंज अलर्ट देण्यात आला आहे. तसेच पश्चिम महाराष्ट्रातील पुणे, सातारा, कोल्हापूरच्या घाटमाथ्यावर मुसळधार पावसाची शक्यता असल्याने दक्षतेचा इशारा दिला आहे. पुढील 24 तासांचा हवामान अंदाज जाणून घेऊ.

मागील 24 तासात पुणे जिल्ह्यात पावसाची उघडीप राहिली. यावेळी कमाल तापमानाचा पारा 28.9 अंश सेल्सिअसवर पोहोचला. आज पुणे घाटमाथ्यावर मुसळधार पावसाची शक्यता असल्याने हवामान विभागाने दक्षतेचा ऑरेंज अलर्ट दिला आहे. तसेच पुढील 24 तासात पुण्यातील कमाल तापमान 30 तर किमान तापमान 23 अंश सेल्सिअस इतके राहील.

सातारा जिल्ह्यात गेल्या 24 तासात हलका पाऊस झाला. सातारा परिसरामध्ये 0.3 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 29 अंश सेल्सिअस राहील. घाटमाथ्यावर मुसळधार पावसाची शक्यता असल्याने सतर्कतेचा ऑरेंज अलर्ट दिला आहे.

कोल्हापूर जिल्ह्यात मागील 24 तासात 3 मिलीमीटर पावसाची नोंद झाली. यावेळी कमाल तापमान 26.3 अंश सेल्सिअस राहिले. पुढील 24 तासात कमाल तापमान 27 अंशावर पोहचेल. तसेच कोल्हापूर घाटमाथ्यावर मुसळधार पावसाची शक्यता असल्याने दक्षतेचा ऑरेंज अलर्ट हवामान विभागाकडून वर्तवण्यात आला आहे.

सोलापूर जिल्हात मंगळवारी 8 मिलीमीटर पावसाची नोंद झाली. कमाल तापमानात वाढ होऊन पारा 31.9 अंशावर पोहचला आहे. पुढील 24 तासात कमाल तापमानाचा पारा 32 अंशावर राहण्याची शक्यता आहे. तसेच सोलापूर जिल्ह्यात हलक्या पावसाची शक्यता कायम आहे.

गेल्या 24 तासात सांगली जिल्ह्यामध्ये 8 मिलीमीटर पावसाची नोंद झाली. आज ढगाळ आकाशासह हलक्या पावसाची शक्यता हवामान विभागाने वर्तवला आहे. यावेळी जिल्ह्यातील कमाल तापमान 30 अंश तर किमान तापमान 22 अंश सेल्सिअस इतके राहील.

दरम्यान, पुढील काही काळ हवामानाची हीच स्थिती कायम राहील. घाट भागात पावसाचा जोर कायम राहणार असून उर्वरित भागात हलका ते मध्यम पावसाची शक्यता आहे. त्यामुळे शेतकरी व नागरिकांना त्यानुसार नियोजन करावे लागेल.