Weather Alert: मुसळधार ते अतिमुसळधार पाऊस, पुण्यासह 3 जिल्ह्यांना झोपडणार, हवामान विभागाचा हायअलर्ट

पावसाला पोषक हवामान झाल्याने राज्यात पावसाची तीव्रता वाढण्याची शक्यता आहे. आज 5 जूलै रोजी कोकण, घाटमाथ्यासह पावसाचा जोर राहणार असल्याने दक्षतेचा ऑरेंज अलर्ट देण्यात आला आहे. पुढील 24 तासात पश्चिम महाराष्ट्रात हवामान कसे असेल याचा जिल्हानिहाय अंदाज जाणून घेऊ.

पुणे जिल्ह्यातील पावसाचा जोर कमी राहिला असून धरणक्षेत्रात मात्र पावसाची तीव्रता पुन्हा वाढली आहे. घाटमाथ्यावर जोरदार पाऊस कोसळत आहे. मागील 24 तासात पुण्याच्या शिवाजीनगर परिसरात 1.6 मिलिमीटर पावसाची नोंद झाली. यावेळी कमाल तापमान 29.7 अंश सेल्सिअस राहिले. आज पुन्हा पुणे घाटमाथ्यास जोरदार पावसाचा ऑरेंज अलर्ट देण्यात आला आहे.

कोल्हापूर जिल्ह्यात पावसाचा जोर चांगला राहिला. कोल्हापूर परिसरात 15 मिलीमीटर पाऊस नोंदविण्यात आला. पुढील 24 तासात कमाल तापमान 26 अंशावर राहील. तसेच कोल्हापूर घाटमाथ्यावर मुसळधार पावसाची शक्यता असल्याने सतर्कतेचा ऑरेंज अलर्ट देण्यात आला आहे.

सातारा जिल्ह्यात मागील 24 तासापासून जोरदार पाऊस सुरू आहे. सातारा परिसरामध्ये 17 मिलिमीटर पावसाची नोंद झाली. पुढील 24 तासात साताऱ्यातील कमाल तापमान 28 अंश सेल्सिअस राहील. सातारा जिल्ह्यामध्ये ढगाळ आकाशासह मध्यम पावसाची शक्यता हवामान विभागाने वर्तवली आहे. घाटमाथ्यावर मात्र मुसळदार पावसाचा ऑरेंज अलर्ट देण्यात आला आहे.

सोलापूर जिल्हात मागील 24 तासात 0.1 मिलीमीटर पाहसाची नोंद झाली. यावेळी जिल्ह्यातील कमाल तापमान 31.7 अंश सेल्सिअस राहिले. पुढील 24 तासात कमाल तापमानाचा पारा 32 अंशावर राहणार असून तुरळक ठिकाणी हलक्या पावसाची शक्यता आहे.

सांगली जिल्ह्यात शुक्रवारी 3 मिलिमीटर पावसाची नोंद झाली. पुढील 24 तासात सांगली जिल्ह्यात ढगाळ आकाशासह मध्यम पावसाचा अंदाज आहे. यावेळी जिल्ह्यातील कमाल तापमान 28 तर किमान तापमान 22 अंश सेल्सिअस इतके राहील.

राज्यातील हवामानात सातत्याने बदल होत आहेत. आता पावसाला पोषक वातावरण झाल्याने पावसाची तीव्रता वाढण्याची शक्यता आहे. त्यामुळे शेतकरी आणि नागरिकांना योग्य ती काळजी घ्यावी लागेल.