Weather Alert: पश्चिम महाराष्ट्रात पुन्हा बदलली हवा, पुणे ते सोलापूर अलर्ट नवा, आजचा हवामान अंदाज

बंगालच्या उपसागरातील कमी दाब प्रणालीमुळे राज्यात पावसाचा जोर वाढला आहे. आज 14 ऑगस्ट रोजी पश्चिम महाराष्ट्रातील काही जिल्ह्यांत जोरदार पावसाची शक्यता आहे. हवामान विभागाने पुणे, सोलापूरसह पाचही जिल्ह्यांना यलो अलर्ट जारी केला आहे. आजचा हवामान अंदाज जाणून घेऊ.

पुणे जिल्ह्यातील शिवाजीनगर परिसरात मागील 24 तासात पावसाची पावसाची उघडीप राहिली. तसेच कमाल तापमानाचा पारा 30.8 अंश सेल्सिअसवर राहिला. आज पुणे जिल्ह्यात विजांसह हलक्या पावसाची शक्‍यता असल्याने सतर्कतेचा यलो अलर्ट देण्यात आला आहे. तसेच पुण्याच्या घाटमाथ्यावर देखील जोरदार पावसाचा अंदाज आहे.

सांगली जिल्ह्यात बुधवारी 0.3 मिलिमीटर पावसाची नोंद झाली. पुढील 24 तासात एक दोन वेळा गडगडाटी पावसाची शक्यता आहे. यावेळी जिल्ह्यातील कमाल तापमान 29 तर कमान तापमान 23 अंश सेल्सिअस इतके राहील.

सातारा जिल्ह्यात तुरळक पाऊस झाला. पुढील 24 तासांसाठी सातारा जिल्ह्यात जोरदार पावसाची शक्यता आहे. भारतीय हवामान विभागाने पुढील 24 तासांसाठी सातारा घाट भागात सतर्कतेचा यलो जारी केला आहे.

कोल्हापूर जिल्ह्यात मागील 24 तासात 0.5 मिलीमीटर पावसाची नोंद झाली. यावेळी कमाल तापमान 25.7 अंश सेल्सिअस राहिले. पुढील 24 तासात कमाल तापमान 25 अंशावर राहिल. तसेच कोल्हापूर घाटमाथ्यावर जोरदार पावसाची शक्यता असल्याने यलो अलर्ट जारी केला आहे.

सोलापूर जिल्हात मागील 24 तासात 11 मिलीमीटर पावसाची नोंद झाली. तसेच 28.3 अंश सेल्सिअस कमाल तापमानाची नोंद झाली. पुढील 24 तासात कमाल तापमान 31 अंशावर राहिल. तसेच विजांसह जोरदार पावसाचा इशारा देण्यात आला आहे.

पश्चिम महाराष्ट्रातील हवामानात सातत्याने बदल होत आहेत. आज पुणे, सोलापूर परिसरात पावसाचा जोर राहील. तर कोल्हापूर, सातारा घाटभागात मुसळधार पावसाची शक्यता आहे. या काळात सोसाट्याचा वारा आणि विजांचा कडकडाट होण्याची शक्यता असल्याने नागरिकांना योग्य ती खबरदारी घ्यावी लागेल.