Death Sign: मृत्यू जवळ आल्याची कुणकुण! 7 दिवस आधीच अशा गोष्टी जाणवतात, खाणं-पिणं आपोआप कमी

काही प्राणी असे आहेत ज्यांना मृत्यूच्या साधारण 7 दिवस आधीच आपली वेळ जवळ आल्याचे समजते. मृत्यूची चाहूल लागल्यावर प्राण्यांमध्ये दिसणारे बदल खालीलप्रमाणे आहेत. असे मानले जाते की विंचवाला त्याच्या मृत्यूचा अंदाज आधीच येतो. मृत्यूच्या साधारण 7 दिवस आधीपासून विंचू अन्न-पाणी सोडतो. त्याच सोबत इतर प्राण्यांविषयी आपण जाणून घेऊया.

हत्ती - हत्ती हा अत्यंत बुद्धिमान प्राणी मानला जातो. हत्तीलाही मृत्यूचा आभास आधीच होतो. मृत्यू जवळ आल्यावर हत्ती कळप सोडून एकांतात जाणे पसंत करतो आणि अन्न खाणे बंद करतो. विशेष म्हणजे, आपल्या कुटुंबातील सदस्याच्या मृत्यूवर मानवाप्रमाणे शोक व्यक्त करणाऱ्या प्रजातींमध्ये हत्तींचा समावेश होतो.

कुत्रा - कुत्र्यांना केवळ स्वतःच्याच नाही, तर त्यांच्या मालकाच्या मृत्यूचीही चाहूल लागते, असे म्हटले जाते. जेव्हा कुत्र्याला स्वतःचा मृत्यू जवळ आल्याचे समजते, तेव्हा तो खाणे-पिणे सोडतो. मालकाच्या मृत्यूची चाहूल लागल्यास कुत्रा अधिक व्याकुळ होतो आणि जास्तीत जास्त वेळ मालकासोबत राहण्याचा प्रयत्न करतो.

मांजर - मांजरीलाही त्यांच्या मृत्यूचा अंदाज आठवडाभर आधीच येतो. अशा वेळी मांजर अन्न-पाणी सोडते आणि घराबाहेर किंवा कोठेतरी एकांतात जाऊन बसते.

वैज्ञानिक कारण काय? - वैज्ञानिक दृष्टिकोनातून पाहिले तर प्राण्यांमध्ये गंध ओळखण्याची आणि वातावरणातील बदल टिपण्याची क्षमता मानवापेक्षा कितीतरी पटीने जास्त असते. मृत्यू जवळ आल्यावर शरीरात जे सूक्ष्म रासायनिक बदल होतात, ते प्राणी सहज ओळखू शकतात. या व्यतिरिक्त भूकंपासारख्या नैसर्गिक आपत्तींची चाहूलही प्राण्यांना आधीच लागते, त्यामुळेच ते मृत्यूचे संकेतही ओळखू शकतात.(सूचना : येथे दिलेली माहिती ज्योतिषीय ज्ञानावर आधारित आहे. याला कोणताही शास्त्रीय पुरावा नाही. न्यूज 18 मराठी त्याची हमी देत नाही.)