YouTube फीड खुप बोरिंग झालीये? करा हे काम, दिसतील तुमच्या आवडीचे व्हिडिओ

YouTube ओपन करताच आपल्याला हजारो व्हिडिओज दिसतात. पण अनेकदा कोणता व्हिडिओ पाहावा यामध्ये कंफ्यूजन होतं. यूट्यूब तुम्हाला तुमच्या आवडीनुसार व्हिडिओ रिकमंड करत असते. मात्र अनेकदा रिकमंडेशन हे खुपच बोरिंग होते. वारंवार यूट्यूब ओपन केल्यावर अशा प्रकारचे आपल्याला आवडत नसणारे व्हिडिओ वरच दिसू लागतात. तुमच्या यूट्यूब फीडवरही असंच काही झालं असेल तर एका ट्रिकने तुम्ही तुमच्या आवडीचे व्हिडिओ पुन्हा मिळवू शकता.तुमचा YouTube फीड कसा सुधारायचा पाहूया.

तुमचा यूट्यूब वॉच हिस्ट्री क्लिअर करा - तुम्ही एकाच प्रकारचा कंटेंट पाहण्यास सुरुवात करता तेव्हा YouTube ते अधिक वेळा शिफारस करण्यास सुरुवात करते. हे टाळण्यासाठी, तुम्ही तुमचा YouTube पाहण्याची हिस्ट्री हटवू शकता, ज्यामुळे तुमच्या फीडमध्ये नवीन व्हिडिओ दिसतील.

तुमचे लाईक्स रीसेट करा - तुम्हाला आवडलेल्या किंवा नापसंत केलेल्या व्हिडिओंच्या आधारावर YouTube तुमच्या फीडमध्ये समान कंटेट पाठवते. तुम्हाला एखादा व्हिडिओ आवडला असेल, तर तुमच्या फीडमध्ये त्या प्रकारचे अधिक व्हिडिओ दिसतील. हे रीसेट करण्यासाठी, YouTube अॅप उघडा आणि तुम्ही टॅब उघडा. त्यानंतर तुम्ही लिस्ट केलेल्या व्हिडिओंमधून तुमचे लाईक्स काढून टाकू शकता.

नोट इंटरेस्ट ऑप्शन करेल मदत: तुम्हाला तुमच्या फीडमध्ये असे चॅनेल किंवा व्हिडिओ रिकमंडेशन दिसत असेल जे तुम्हाला आवडत नाही, तर तुम्ही "नॉट इंटरेस्टेड" हा पर्याय वापरू शकता. व्हिडिओच्या टायटल शेजारील थ्री-डॉट मेनूवर टॅप करा आणि "नॉट इंटरेस्टेड" निवडा.

इनकॉग्निटो मोड- वेब ब्राउजर प्रमाणे यूट्यूबवरही इनकॉग्निटो मोडचा ऑप्शन मिळतो. तुम्हाला एखादा व्हिडिओ पाहिल्यानंतर रिकमंडेशन हवे नसेल तर तुम्ही हा मोड वापरु शकता. हे यूज करण्यासाठी यूट्यूब अॅप ओपन करा आणि यू टॅब वर जा. येथे हिस्ट्री सेक्शनच्या वर तुम्हाला इनकॉग्निटो मोडचा ऑप्शन दिसेल.