काका-पुतण्या अन् आत्या-भाचीत चुरस, तर कुठं मावस भावांतच सामना, या नगरपालिकेत हायहोल्टेज ड्रामा!

छत्रपती संभाजीनगर: महाराष्ट्रामध्ये स्थानिक स्वराज्य संस्थेच्या निवडणुकीची रणधुमाळी सुरू आहे. छत्रपती संभाजीनगर जिल्ह्यातील वैजापूर नगरपालिका निवडणुकीच्या रिंगणात यंदा नात्या-गोत्याच्या चुरशीच्या लढतींमुळे शहराचं वातावरण चांगलंच तापलं आहे. काका-पुतण्या, आत्या-भाची, मावसभाऊ, बाप-लेक आणि पती-पत्नी असे अनेक नातलग एकमेकांविरुद्ध किंवा वेगवेगळ्या प्रभागांतून आपलं नशीब आजमावत आहेत. या कौटुंबिक लढतींनी मतदारांचं लक्ष वेधून घेतलं आहे आणि कोण बाजी मारणार याची उत्सुकता शिगेला पोहोचली आहे.