अजित पवारांसोबत मृत्यू झालेले ते दोघं कोण? शांभवी पाठक, सुमित कपूर या दोन पायलट्सचे जीवन आणि करियर

बारामती येथे स्थानिक स्वराज्य संस्थांच्या निवडणुकांच्या निमित्ताने अजित दादांच्या काही महत्त्वाच्या सभा होत्या. मात्र, विमानतळावर उतरत असताना विमानाचे नियंत्रण सुटले आणि भीषण स्फोट होऊन विमानाने पेट घेतला. या आगीत अजित पवार, त्यांचे सुरक्षा रक्षक आणि दोन्ही वैमानिकांचा जागीच मृत्यू झाला.

या विमानाचे सारथ्य करत होते अनुभवी कॅप्टन सुमित कपूर आणि कॅप्टन शांभवी पाठक

अजित पवार यांच्या निधनामुळे महाराष्ट्राने एक धडाडीचा आणि प्रशासनावर पकड असलेला नेता गमावला आहे. मुख्यमंत्री देवेंद्र फडणवीस आणि पंतप्रधान नरेंद्र मोदी यांनी या घटनेबद्दल तीव्र दुःख व्यक्त केले आहे. राज्य सरकारने या दुःखद घटनेमुळे तीन दिवसांचा राज्य दुखवटा जाहीर केला आहे. माणसाचे आयुष्य किती क्षणभंगुर असते, याची प्रचिती या घटनेने पुन्हा एकदा दिली. नियतीच्या मनात काय होते कुणास ठाऊक, पण या अपघाताने बारामतीचा 'दादा' आणि आकाशाला गवसणी घालणारे दोन निष्णात वैमानिक कायमचे हिरावून नेले.