Pune News: पुण्यात सूक्ष्म जीवसृष्टीचे अनोखे प्रदर्शन, अद्भुत जग पाहण्यासाठी रसिकांची मोठी गर्दी

Last Updated:

निसर्गाच्या विस्मयकारक आणि अनेकदा दुर्लक्षल्या जाणाऱ्या सूक्ष्म जीवसृष्टीचा अनोखा चित्तरंजक अनुभव देणारे सूक्ष्म हे छायाचित्र प्रदर्शन पुण्यात रसिकांसाठी खुले करण्यात आले आहे.

+
प्रदर्शन 

प्रदर्शन 

पुणे: निसर्गाच्या विस्मयकारक आणि अनेकदा दुर्लक्षल्या जाणाऱ्या सूक्ष्म जीवसृष्टीचा अनोखा चित्तरंजक अनुभव देणारे सूक्ष्म हे छायाचित्र प्रदर्शन पुण्यात रसिकांसाठी खुले करण्यात आले आहे. हे छायाचित्र प्रदर्शन पुणेकरांच्या उत्स्फूर्त प्रतिसादाने प्रदर्शन रंगत आहे. हाताच्या अंगठ्या एवढ्याही लहान असणाऱ्या बेडूकापासून ते अत्यंत दुर्मिळ गुंथर वाईन सापपर्यंत, तसेच अळीच्या अंगावर अंडी घालणाऱ्या गांधीलमाशीचे क्षण टिपणाऱ्या अप्रतिम छायाचित्रांपर्यंत मानवी नजरेला सहसा न दिसणारे अनेक अदृश्य क्षण आणि जीव या प्रदर्शनातून प्रथमच इतक्या जवळून अनुभवायला मिळत आहेत.
पुणे मॅक्रोग्राफर्स समूहातर्फे आयोजित या वैशिष्ट्यपूर्ण उपक्रमात यंदा 54 आकर्षक छायाचित्रांचे प्रदर्शन ठेवण्यात आले आहे. 32 छायाचित्रकारांनी यात सहभाग नोंदवला आहे. दरवर्षी वाढणाऱ्या लोकप्रियतेमुळे या प्रदर्शनाचे यंदाचे तिसरे वर्ष अधिक समृद्ध आणि प्रभावी ठरत आहे. अन्वय नाकाडे यांनी दिलेल्या माहितीनुसार, सूक्ष्म जगाचे निरीक्षण करण्यासाठी केवळ कॅमेरा व कौशल्यच नव्हे तर अत्यंत बारकाई, संयम आणि असाधारण चिकाटीची आवश्यकता असते. दुर्मिळ किडे, कीटक, साप, सरडे, बेडूक, फुलांवरील सूक्ष्म हालचाली अशा निसर्गातील अविश्वसनीय घटकांना जवळून पाहण्याचा अनुभव अनेकांना प्रथमच मिळत आहे.
advertisement
छायाचित्र प्रदर्शनात विशेष आकर्षण ठरला तो हरणटोळ साप. या सापाने खापरखवल्या सापावर केलेल्या शिकारीचा थरारक क्षण प्रदर्शनात विशेष आकर्षणाचा मुद्दा ठरला. निसर्गातील अन्नसाखळी आणि प्राण्यांच्या जिवंत संघर्षाचे धडधडीत दर्शन देणारे हे छायाचित्र प्रेक्षकांना थक्क करून सोडत आहे. त्याचप्रमाणे खंडोबाचा घोडा म्हणून ओळखला जाणारा दुर्मिळ आणि नजर चुकवणारा किडा अथवा अळीच्या अंगावर अंडी ठेवणाऱ्या गांधीलमाशीचे क्षणचित्र हेही रसिकांचे विशेष लक्ष वेधून घेत आहेत.
advertisement
सहसा आपल्या दैनंदिन जीवनात दुर्लक्षित राहणारे हे सूक्ष्म वन्यजीव पर्यावरण संतुलनात मोलाचा वाटा उचलतात. त्यांच्या अस्तित्वामुळेच विविध परिसंस्था टिकून आहेत. हे वास्तव या प्रदर्शनातून प्रभावीपणे जाणवते. निसर्ग प्रेमी, विद्यार्थ्यांपासून ते छायाचित्रणाच्या आवडीनिवडी जोपासणाऱ्या तरुणाईपर्यंत, सर्वच स्तरातील पुणेकरांनी प्रदर्शनाला भेट देऊन सूक्ष्म जीवसृष्टीचा जवळून आनंद घेतला.
view comments
मराठी बातम्या/पुणे/
Pune News: पुण्यात सूक्ष्म जीवसृष्टीचे अनोखे प्रदर्शन, अद्भुत जग पाहण्यासाठी रसिकांची मोठी गर्दी
Next Article
advertisement
Nanded Crime News : 'तुझं लग्न लावून देतो',  आंचलसमोर वडिलांनी ठेवली होती एक अट, अन् तिथंच...
'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...
  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

  • 'तुझं लग्न लावून देतो', आंचलसमोर वडिलांनी ठेवली होती एक अट, अन् तिथंच...

View All
advertisement