Pune News: पारंपरिक ते आधुनिक कलेपर्यंत सर्व काही; पुण्यात सजणार ‘कारीगर बाजार’

दस्तकारी हाट समितीच्या प्रकल्प प्रमुख चारू वर्मा यांनी सांगितलं की, ही समिती जया जेटली यांनी स्थापन केली आहे. गेल्या 40 वर्षांपासून दस्तकारी हाट समिती देशभरातील कारागिरांसाठी काम करत आहे. पुण्यातील हे क्राफ्ट प्रदर्शन गेल्या 10 वर्षांपासून आयोजित केला जातो. यंदा या उपक्रमाचं 11 वर्ष आहे. हे प्रदर्शन 30 ऑक्टोबरपासून सुरू झालं असून, 9 नोव्हेंबरपर्यंत दररोज सकाळी 11 ते रात्री 8 पर्यंत सर्वांसाठी विनामूल्य खुलं आहे. देशभरातील कारागीर आणि कलाकार यांच्या 120 हून अधिक स्टॉल्स येथे पाहायला मिळतात. प्रदर्शनात महाराष्ट्रासह देशभरातील अनेक नामांकित कारागीर सहभागी झाले आहेत.