कल्याण-लोणावळा प्रवास करणाऱ्यांसाठी महत्त्वाची बातमी! रेल्वेचा 11 दिवस खोळंबा, या गाड्यांचे मार्ग बदलले

रेल्वेच्या अधिकाऱ्यांनी दिलेल्या माहितीनुसार, पुण्याकडे व मुंबईकडे जाणाऱ्या इंटरसिटी एक्स्प्रेस, डेक्कन एक्स्प्रेस, तसेच इतर मेल/एक्स्प्रेस गाड्यांच्या वेळांमध्ये बदल करण्यात आले आहेत. पुणे–मुंबई इंटरसिटी एक्स्प्रेस 28 व 29 नोव्हेंबर रोजी मुंबईत अंदाजे 10 ते 15 मिनिटे उशिरा पोहोचणार आहे. तर 26, 28 आणि 29 नोव्हेंबर रोजी काही गाड्यांना ठराविक ठिकाणी थांबवून पुन्हा मार्गावर वळवण्याचे नियोजन केले आहे. पुणे–हसरगट्टा सुपरफास्ट, पुणे–हुबळीसह अनेक लांब पल्ल्यांच्या गाड्यांवर पावर ब्लॉकचा परिणाम होणार आहे.

छत्रपती शिवाजी महाराज टर्मिनस–चेन्नई एक्स्प्रेस लोणावळा येथे एक तास थांबवणे आवश्यक ठरणार आहे. तसेच लोकमान्य टिळक टर्मिनस–मुडगाव एक्स्प्रेस, एर्नाकुलम एक्स्प्रेस, कोकण मार्गावरील अनेक गाड्यांना 10 ते 25 मिनिटे अतिरिक्त वेळ लागू शकतो. मुंबईकडून पुण्याकडे येणाऱ्या 21 नोव्हेंबरच्या काही गाड्यांचे वेळापत्रकही बदलण्यात आले आहे.

दरम्यान, पुणे- छत्रपती शिवाजी महाराज टर्मिनस इंटरसिटी एक्सप्रेस आणि पुणे- छत्रपती शिवाजी महाराज टर्मिनस इंद्रायणी एक्सप्रेस छत्रपती शिवाजी महाराज टर्मिनस येथे 10 ते 15 मिनिटे उशिराने पोहोचेल.