Pune Crime : पुण्याच्या फ्लॅटमध्ये सुरू होते काळे कारनामे, सापळा रचून पोलिसांची रेड, दरवाजा उघडताच पायाखालची जमीन सरकली!

पुणे : पुणे पोलिसांच्या गुन्हे शाखेला पाषाण येथील एका फ्लॅटमध्ये काळे कारनामे सुरू असल्याची गुप्त माहिती मिळाली होती, यानंतर त्यांनी या घरावर छापा टाकला, तेव्हा त्यांच्या पायाखालची जमीनच सरकली. पाषाणमध्या या फ्लॅटमध्ये स्पा च्या नावाखाली सेक्स रॅकेट सुरू होतं. गुन्हे शाखेने या व्यवसायात जबरदस्तीने ढकलण्यात आलेल्या तीन महिलांची सुटका केली आहे. पाषाण येथील साई चौक जवळच्या मिनिस्टर रेसिडेन्सी येथील एका फ्लॅटमध्ये बेकायदेशीर कृत्य सुरू असल्याची टीप पुणे पोलिसांना मिळाली होती, यानंतर मानव तस्करी विरोधी आणि अनैतिक तस्करी प्रतिबंधक युनिटने ही कारवाई केली.