Baramati Crime : पोरगं दारु पिऊन द्यायचं त्रास; आईवडिलांनी सुपारी देऊन काढला काटा; बारामतीतील घटना

पोलीस सुत्रांनी दिलेल्या माहितीनुसार, 26 मे रोजी एका 30 ते 40 वयोगटातील अनोळखी युवकाचा निर्घृण खुन करुन त्याचा मृतदेह रस्सी व तारेने मोठे दगड बांधुन बारामती तालुक्यातील शिर्सुफळ येथील पाण्याच्या तलावात फेकुन दिला होता. त्यानंतर दाखल झालेल्या या गुन्ह्याची उकल करण्यासाठी तालुका पोलिसांचे तपास पथक हे आजुबाजुच्या गावात तपास करीत होते. याच दरम्यान पोलीस निरीक्षक प्रभाकर मोरे यांना गोपनिय बातमीदारामार्फत दौंड तालुक्यातील रावणगाव कुटंबाबाबत माहिती मिळाली. पोपट भानुदास बाराते, त्यांची पत्नी मुक्ताबाई पोपट बाराते व मुलगा सौरभ पोपट बाराते हे गावातुन गेल्या 3 महिन्यापुर्वी अचानक गायब झाले होते. त्यानंतर 15 दिवसांनी केवळ बाराते दांपत्यच गावातील घरी परत आले आहेत.