Ganeshotsav 2025: बाप्पा पावला! एसटी, रेल्वेनंतर विमान कंपनीचा मोठा निर्णय, पुण्यातून सिंधुदुर्गला जादा उड्डाणे

पुणे : गणेशोत्सवासाठी कोकणात जाणाऱ्या भाविकांची संख्या मोठी असते. त्यामुळे एसटी, रेल्वेला मोठी गर्दी असते आणि त्यासाठी जादा गाड्यांची सोयही करण्यात आली आहे. आता विमान कंपन्यांकडून देखील जादा उड्डाणे करण्याचा निर्णय घेतला आहे. त्याचा फायदा गणेशभक्तांना होणार आहे. फ्लाय 91 कंपनीकडून पुण्यातून सिंधुदुर्गला गणेशोत्सवात पाच दिवस जादा विमानेसवा चालवण्यात येणार असल्याची माहिती फ्लाय 91 चे व्यवस्थापकीय संचालक मनोज चाको यांनी दिली.