संत बाळुमामा दर्शनासाठी जाणाऱ्या भाविकांसाठी गुड न्यूज, इंदापूर–कोल्हापूर बसफेरीचा विस्तार, चेक करा वेळापत्रक

दररोजच्या बसफेरीसोबतच पौर्णिमा आणि अमावस्येच्या दिवशी संत बाळुमामा दर्शनासाठी जाणाऱ्या भाविकांकडून या सेवेचा चांगला प्रतिसाद मिळण्याची शक्यता आहे. त्यामुळे प्रवाशांनी या विशेष बससेवेचा लाभ घ्यावा, असे आवाहन करण्यात आले आहे. नागरिकांच्या मागणीची दखल घेत डेपो मॅनेजर वैभव गोसावी आणि स्थानक प्रमुख संजय वायदंडे यांच्या मार्गदर्शनाखाली ही बससेवा सुरू करण्यात आली आहे. या निर्णयामुळे प्रवाशांचा प्रवास अधिक सोयीचा होणार असून, हा बदल प्रवाशांसाठी दिलासादायक ठरणार असल्याची माहिती नियंत्रक विक्रम चंदनशिवे यांनी दिली.