Pune News : ऐतिहासिक निर्णय! उद्योजकाचा विचित्र अपघातात मृत्यू; कुटुंबीयांना मिळणार 19 कोटी 20 लाख 146 रुपये

मृत उद्योजक यांची उत्तराखंड येथे कंपनी होती. 9 जानेवारी 2012 रोजी उद्योजक मोटारीतून मुंबईहून चाकण येथील त्यांच्या कारखान्यात जात होते. दुसऱ्या लेनमधून पुण्याकडून मुंबईकडे जाणाऱ्या एका ट्रकने उद्योजकाच्या मोटारीला धडक दिली. धडकेमुळे मोटार समोरील लेनमध्ये शिरली. तिथे मागून आलेल्या दुसऱ्या मोटारीने धडक दिली आणि त्याच वेळी पाठीमागून आलेल्या एसटी बसनेही उद्योजकाच्या मोटारीला धडक दिली. या विचित्र अपघातात त्यांचा मृत्यू झाला.

अर्जदारांतर्फे ॲड. संजय राऊत, ॲड. अनिता राऊत आणि ॲड. अश्विनी वाडेकर यांनी बाजू मांडली. त्यांनी उद्योजकाचे प्राप्तिकर, अभियांत्रिकी पदवी आणि कंपनीच्या उत्पन्नाची माहिती न्यायालयात सादर केली. तसेच, उच्च आणि सर्वोच्च न्यायालयाच्या १६ न्यायनिवाड्यांचे दाखले दिले. अॅड. संजय राऊत यांनी हा 'उच्चांकी नुकसान भरपाईचा' निर्णय असून, कुटुंबीयांना न्याय मिळाल्याचा आनंद असल्याचं म्हटलं आहे.