विदर्भातील उष्णतेचा कडाका कमी होणार, छत्रपती संभाजीनगरमध्ये काय स्थिती? पाहा हवामान अंदाज

मुंबई : राज्यातील हवामानात सातत्याने बदल होत आहेत. कमालीच्या उष्णतेच्या लाटेनंतर राज्यातील काही जिल्ह्यांमध्ये पुढील काही दिवसात तुरळक पावसाची शक्यता भारतीय हवामानशास्त्र विभागाने वर्तवली आहे. दक्षिण कोकणातील रत्नागिरी आणि सिंधुदुर्ग या जिल्ह्यांना दमट आणि उष्ण हवामानाचा सामना करावा लागू शकतो. मुंबईतील कमाल तापमान बऱ्यापैकी कमी झालं असून मुंबईकरांना वाढत्या उष्णतेपासून दिलासा मिळाला आहे. पाहुयात पुढील 24 तासांमध्ये राज्यातील प्रमुख शहरातील हवामान कसे असेल.