kondhwa Traffic Update : कोंढव्यात उद्या वाहतुक मोठा बदल; कोणते मार्ग बंद? पर्यायी मार्गांची लिस्ट जारी

पुणे : कोंढवा येथे हाफ मॅरेथॉन निमित्त वाहतुकीसाठी विशेष बंदी आणि पर्यायी मार्गांची योजना जाहीर करण्यात आली आहे. पुणे जिल्ह्यातील कोंढवा परिसरात दि. 21 सप्टेंबर रोजी हाफ मॅरेथॉन स्पर्धा होणार असल्यामुळे नागरिकांची आणि प्रवाशांची सोय तसेच वाहतूक सुरळीत ठेवण्यासाठी प्रशासनाने विशेष व्यवस्था केली आहे. या स्पर्धेमुळे परिसरात गर्दी होण्याची शक्यता असल्यामुळे वाहतूक कोंडी टाळण्यासाठी आणि कायदा तसेच सुव्यवस्था राखण्यासाठी जिल्हाधिकारी तथा जिल्हादंडाधिकारी जितेंद्र डूडी यांनी आदेश जारी केले आहेत.