'जेव्हा ईडी आली तेव्हा त्यांच्याही डोळ्यात अश्रू होते'; अजितदादांनी केलेल्या ऍक्टिंगला रोहित पवारांचं प्रत्युत्तर

पुणे, प्रतिनिधी : लोकसभा निवडणुकीची रणधुमाळी सुरू आहे. पहिल्या दोन टप्प्यांसाठी मतदान पार पडलं आहे. उद्या लोकसभेच्या तिसऱ्या टप्प्यासाठी मतदान होणार आहे. दरम्यान तिसऱ्या टप्प्यामध्ये ज्या ज्या लोकसभा मतदारसंघात मतदान होणार आहे त्या मतदारसंघातील प्रचाराचा रविवारी शेवटचा दिवस होता. यामध्ये बारामती लोकसभा मतदारसंघाचा देखील समावेश आहे. शेवटच्या दिवशी महाविकास आघाडीच्या उमेदवार सुप्रिया सुळे यांचा प्रचार करताना आमदार रोहित पवार भावुक झाले. स्टेजवरच रोहित पवारांना रडू कोसळलं. विरोधकांनी शरद पवार यांच्याविरोधात केलेल्या टीकेचा व्हिडीओ रोहित पवार यांनी जनतेला दाखवला. यावेळी ते चांगलेच भावनिक झाले.