मावळ, खेड, हवेली तालुक्यातील 12 गावांच्या नागरिकांसोबत खासदार मैदानात, दिला इशारा

पुणे :  पुणे-नाशिक रेल्वे मार्गाचं भिजत घोंगडं असताना तळेगाव उरुळीकांचन या आणखी एका प्रस्तावित बायपास रेल्वे मार्गामुळे खेड, मावळ, हवेली तालुक्यातील भूमिपुत्र हवालदिल झाले आहेत. या प्रकल्पामुळे येथील 12 गावातील शेतीवरच नव्हे तर घरांवरही बुलडोझर फिरणार असल्यानं हा प्रकल्प रद्द करावा अशी मागणी जोर धरत आहे.या प्रकल्पाच्या विरोधात शिरुरचे खासदार डॉ. अमोल कोल्हे यांनी थेट भूमिका घेत ,ग्रामस्थांच्या आंदोलनाला पाठिंबा दिला आहे. नांदती घरं मोडून विकास होत नाही अशा शब्दात अमोल कोल्हेंनी सरकारला इशारा दिला आहे.