सावधान! तुमच्या बँक खात्यावर जोडीदाराची नजर तर नाही ना? पुण्यात पतीनेच पत्नीला लावला दीड कोटीचा चुना

पुणे : लग्नासारख्या पवित्र नात्याला काळिमा फासणारी एक धक्कादायक घटना पिंपरी-चिंचवडमध्ये समोर आली आहे. व्यवसायातील तोटा भरून काढण्यासाठी एका निर्दयी पतीने चक्क आपल्याच पत्नीचा विश्वासघात केला. पत्नीच्या पगाराचे पैसे स्वतःच्या फायद्यासाठी वापरले. मात्र, एवढ्यावरच न थांबता तिच्या नावावर बनावट कागदपत्रांच्या आधारे कोट्यवधींचे कर्ज काढून तिला कर्जबाजारी केल्याचा प्रकार उघडकीस आला आहे. याप्रकरणी सांगवी पोलीस ठाण्यात आरोपी पतीविरुद्ध फसवणुकीचा गुन्हा दाखल करण्यात आला आहे.