Vegetables Rate Pune: अतिवृष्टीचा फटका, पालेभाज्यांच्या दरात मोठी वाढ, पुण्यात काय आहेत भाव?

राज्यात मागील काही दिवसांपासून मराठवाड्यासह पश्चिम महाराष्ट्रात मुसळधार पाऊस सुरू आहे. सततच्या मुसळधार पावसामुळे पालेभाज्या आणि फळभाज्या खराब होण्याचे प्रमाण मोठ्या प्रमाणात वाढले आहे. फळभाज्यांच्या तुलनेत पालेभाज्यांचे खराब होण्याचे प्रमाण जास्त आहे. परिणामी बाजारपेठेत पालेभाज्यांची आणि फळभाज्यांची आवक कमी झाली आहे. त्यामुळे भाज्यांचे आणि फळांचे भाव तेजीत आहेत. शिमला मिरची, गवार, भेंडी, कोबी, मेथी या पालेभाज्यांच्या दरात 15 ते 20 टक्क्यांनी वाढ झाली आहे.