शंकराच्या समोर गणरायांची मूर्ती, पुण्यातील अमृतवेल मंडळाने साकारला शिवमंदिराचा देखावा

अमृतवेल मित्र मंडळाचे हे 14 व वर्ष असून गेल्या अनेक वर्षापासून ते वेगवेगळे प्रतिकृती सादर करण्याचा प्रयत्न करतात. तरुण मंडळातील सर्व सदस्य एकत्र येऊन दरवर्षी वेगवेगळे देखावे सादर करत असतात. त्याच पद्धतीने मंडळाच्या वतीने अनेक सामाजिक उपक्रम देखील राबवले जातात. या उत्सवाच्या काळात आपले उत्सव साजरे करतांना संस्कृती जपली जावी अशी यामागील भावना असल्याचे मंडळाचे खजिनदार ऋषिकेश नखाते यांनी दिली आहे. तसेच यावेळी महिलांसाठी देखील मंडळाच्या वतीने वेगवेगळे उपक्रम राबवले जात आहे, असं देखील सांगण्यात आलं.

या ठिकाणच्या मंडपात जातानाच समोर नदीचे दर्शन होते, कृत्रिम तलावात विराजमान असलेल्या नदीच्या अंगावरती पाण्याच्या धारा पडल्याने नंदीराजाला जलाभिषेक होत असल्याचा भास होतो. पुढं भगवान शंकराच्या समोर विराजमान झालेली गणरायांची सुंदर मूर्ती, पाहून साक्षात आपले पुत्र गणपती बाप्पाच्या पाठीशी भगवान शंकर उभे असल्याचे निदर्शनात येते. हा सुबक देखावा पाहण्यासाठी पिंपरी चिंचवडकर गर्दी करू लागलेत.